ЛІКІ 7 - Біблія (пераклад В. Сёмухі)

Лікі 7

¹ Калі Майсей паставіў скінію, і памазаў яе, і асьвяціў яе і ўсе прылады яе, і ахвярнік і ўсе прылады яго, і памазаў іх і асьвяціў іх,

² тады прыйшлі дванаццаць правадыроў Ізраілевых, галовы сямействаў іхніх, правадыры плямёнаў, якія кіравалі падлікам,

³ і паставілі прынашэньне сваё перад Госпадам, шэсьць накрытых падводаў і дванаццаць валоў, па адной падводзе ад двух правадыроў і па адным вале ад кожнага, і паставілі гэта перад скініяй.

⁴ І наказаў Гасподзь Майсею сказаць:

⁵ вазьмі ад іх; гэта будзе дзеля ўчыненьня працы пры скініі сходу; і аддам гэта лявітам, адпаведна з родам службы іхняй.

⁶ І ўзяў Майсей падводы і валоў і аддаў іх лявітам;

⁷ дзьве падводы і чатырох валоў аддаў сынам Гірсонавым, адпаведна з родам службы іхняй;

⁸ і чатыры падводы і восем валоў аддаў сынам Мэрарыным, паводле роду службы іхняй, пад наглядам Ітамара, сына Аарона, сьвятара;

⁹ а сынам Каатавым ня даў, бо служба іхняя - насіць сьвятыню; на плячах павінны яны насіць.

¹⁰ І прынесьлі правадыры ахвяры асьвячэньня ў дзень памазаньня ягонага, і паставілі правадыры прынашэньне сваё перад ахвярнікам.

¹¹ І сказаў Гасподзь Майсею: па адным правадыру ў дзень няхай прыносяць прынашэньне сваё дзеля асьвячэньня ахвярніка.

¹² У першы дзень прынёс прынашэньне сваё Наасон, сын Амінадаваў, ад племя Юдавага;

¹³ і прынашэньне ягонае было: адна срэбраная міса, вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнаю мукою, зьмяшанаю з алеем, у прынашэньне хлебнае,

¹⁴ адно залатое кадзіла ў семдзесят сікляў, напоўненае дымленьнем,

¹⁵ адно цяля, адзін баран, адно ягня-адналетак, на цэласпаленьне,

¹⁶ адзін казёл у ахваяру за грэх,

¹⁷ і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Наасона, сына Амінадававага.

¹⁸ На другі дзень прынёс Натанаіл, сын Цуараў, правадыр племя Ісахаравага;

¹⁹ ён прынёс ад сябе прынашэньне: адну срэбраную місу вагою ў сто трыццаць сікляў, адну срэбраную чару ў семдзесят сікляў, па сіклі сьвяшчэнным, напоўненых пшанічнай мукою, зьмяшанаю з алеем, у прынашэньне хлебнае,

²⁰ адно залатое кадзіла ў дзесяць сікляў, напоўненае дымленьнем,

²¹ адно цяля, аднаго барана, адно ягня-адналетка, на цэласпаленьне,

²² аднаго казла ў ахвяру за грэх,

²³ і ў ахвяру мірную двух валоў, пяць бараноў, пяць казлоў, пяць ягнят-адналетак; вось прынашэньне Натанаіла, сына Цуаравага.

²⁴ На трэці дзень правадыр сыноў Завулонавых Эліяў, сын Хэлонаў;

²⁵ прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,

²⁶ адно залатое кадзіла ў дзесяць сікляў, напоўненае дымленьнем,

²⁷ адно цяля, адзін баран, адно ягня-адналетак, на цэласпаленьне,

²⁸ адзін казёл у ахвяру за грэх,

²⁹ і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Эліява, сына Хэлонавага.

³⁰ На чацьвёрты дзень правадыр сыноў Рувімавых Эліцур, сын Шадаураў;

³¹ прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,

³² адно залатое кадзіла ў дзесяць сікляў, напоўненае дымленьнем,

³³ адно цяля, адзін баран, адно ягня-адналетак, на цэласпаленьне,

³⁴ адзін казёл у ахвяру за грэх,

³⁵ і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Эліцура, сына Шадауравага.

³⁶ На пяты дзень правадыр сыноў Сымонавых Шалумііл, сын Цурышадаеў;

³⁷ прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,

³⁸ адно залатое кадзіла ў дзесяць сікляў, напоўненае дымленьнем,

³⁹ адно цяля, адзін баран, адно ягня-адналетак, на цэласпаленьне,

⁴⁰ адзін казёл у ахвяру за грэх,

⁴¹ і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Шалумііла, сына Цурышадаевага.

⁴² На шосты дзень правадыр сыноў Гадавых Эліясаф, сын Рэгуілаў:

⁴³ прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,

⁴⁴ адно залатое кадзіла ў дзесяць сікляў, напоўненае дымленьнем,

⁴⁵ адно цяля, адзін баран, адно ягня-адналетак, на цэласпаленьне,

⁴⁶ адзін казёл у ахвяру за грэх,

⁴⁷ і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Эліясафа, сына Дэгуілавага.

⁴⁸ На сёмы дзень правадыр сыноў Яфрэмавых Элішама, сын Амуілаў;

⁴⁹ прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,

⁵⁰ адно залатое кадзіла ў дзесяць сікляў, напоўненае дымленьнем,

⁵¹ адно цяля, адзін баран, адно ягня-адналетак, на цэласпаленьне,

⁵² адзін казёл у ахвяру за грэх,

⁵³ і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Элішамы, сына Аміудавага.

⁵⁴ На восьмы дзень правадыр сыноў Манасііных Гамалііл, сын Пэдацураў;

⁵⁵ прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,

⁵⁶ адно залатое кадзіла ў дзесяць сікляў, напоўненае дымленьнем,

⁵⁷ адно цяля, адзін баран, адно ягня-адналетак, на цэласпаленьне,

⁵⁸ адзін казёл у ахвяру за грэх,

⁵⁹ і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Гамалііла, сына Пецадуравага.

⁶⁰ На дзявяты дзень правадыр сыноў Веньямінавых Авідан, сын Гідэонаў;

⁶¹ прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэннным, напоўненыя пшанічнаю мукою, зьмяшанаю з алеем, у прынашэньне хлебнае,

⁶² адно залатое кадзіла ў дзесяць сікляў, напоўненае дымленьнем,

⁶³ адно цяля, адзін баран, адно ягня-адналетак, на цэласпаленьне,

⁶⁴ адзін казёл у ахвяру за грэх,

⁶⁵ і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Авідана, сына Гідэонавага.

⁶⁶ На дзясяты дзень правадыр сыноў Данавых Ахіезэр, сын Амішадаеў;

⁶⁷ прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,

⁶⁸ адно залатое кадзіла ў дзесяць сікляў, напоўненае дымленьнем,

⁶⁹ адно цяля, адзін баран, адно ягня-адналетак, на цэласпаленьне,

⁷⁰ адзін казёл у ахвяру за грэх,

⁷¹ і ў ахвяру мірную два валы, пяць бараноў, пяць казлоў, пяць цялят-адналетак; вось прынашэньне Ахіезэра, сына Амішадаевага.

⁷² На адзінаццаты дзень правадыр сыноў Асіравых Пагііл, сын Ахранаў;

⁷³ прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,

⁷⁴ адно залатое кадзіла ў дзесяць сікляў, напоўненае дымленьнем,

⁷⁵ адно цяля, адзін баран, адно ягня-адналетак, на цэласпаленьне,

⁷⁶ адзін казёл у ахвяру за грэх,

⁷⁷ і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Пагііла, сына Ахранавага.

⁷⁸ На дванаццаты дзень правадыр сыноў Нэфталімавых Ахіра, сын Энанаў;

⁷⁹ прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,

⁸⁰ адно залатое кадзіла ў дзесяць сікляў, напоўненае дымленьнем,

⁸¹ адно цяля, адзін баран, адно ягня-адналетак, на цэласпаленьне,

⁸² адзін казёл у ахвяру за грэх,

⁸³ і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Ахіры, сына Энанавага.

⁸⁴ Вось прынашэньні правадыроў Ізраілевых пры асьвячэньні ахвярніка ў дзень памазаньня яго: дванаццаць срэбраных місаў, дванаццаць срэбраных чараў, дванаццаць залатых кадзілаў;

⁸⁵ па сто трыццаць сікляў срэбра ў кожнай місе і па семдзесят у кожнай чары: так, усяго срэбра ў гэтым посудзе па дзьве тысячы чатырыста сікляў, па сіклі сьвяшчэнным;

⁸⁶ залатых кадзілаў, напоўненых дымленьнем, дванаццаць, у кожным кадзіле па дзесяць сікляў, па сіклі сьвяшчэнным: усяго золата ў кадзілах сто дваццаць сікляў;

⁸⁷ на цэласпаленьне ўсяго дванаццаць цялят з быдла буйнога, дванаццаць бараноў, дванаццаць ягнят-адналетак і пры іх хлебнае прынашэньне, і ў ахвяру за грэх дванаццаць казлоў,

⁸⁸ і ў ахвяру мірную ўсяго з буйнога быдла дваццаць чатыры цяляці, шэсьцьдзясят бараноў, шэсьцьдзясят казлоў, шэсьцьдзясят ягнят-адналетак; вось прынашэньні пры асьвячэньні ахвярніка пасьля памазаньня яго.

⁸⁹ Калі Майсей уваходзіў у скінію сходу, каб гаварыць з Госпадам, чуў голас, які гаварыў яму з даха, які над каўчэгам адкрыцьця паміж двума херувімамі, і ён гаварыў яму.