1 ЛЕТАПІСАЎ 25 - Біблія (пераклад В. Сёмухі)

1 Лет 25

¹ І аддзяліў Давід і начальнікі войска на службу сыноў Асафа, Эмана і Ідытуна, каб яны вяшчалі на цытрах, псалтырах і кімвалах; і былі прызначаны яны на дзею служэньня свайго;

² з сыноў Асафа: Закур, Язэп, Нэтанія і Ашарэла сыны Асафа, пад кіраўніцтвам Асафа, які іграў па настаўленьні цара.

³ Ад Ідытуна сыны Ідытуна: Гэдалія, Цэры, Ісая, Сэмэй, Хашавія і Мататыя, шасьцёра, пад кіраўніцтвам бацькі свайго, Ідытуна, які іграў на цытры на славу і хвалу Госпада.

⁴ Ад Эмана сыны Эмана: Букія, Матанія, Азііл, Шэвуіл і Ерымот, Хананія, Ханані, Эліята, Гідалці, Рамамці-Эзэр, Ёшбэкаша, Малоці, Гатыр і Махазіёт.

⁵ Усе гэтыя сыны Эмана, празорліўца царскага, па словах Божых, каб узвышаць славу ягоную. І даў Бог Эману чатырнаццаць сыноў і тры дачкі.

⁶ Усе яны пад кіраўніцтвам бацькі свайго сьпявалі ў доме Гасподнім з кімваламі, псалтырамі і цытрамі ў служэньні ў доме Божым, паводле ўказаньня цара, альбо Асата, Ідытуна і Эмана.

⁷ І было іх лікам з братамі іхнімі, навучанымі сьпяваць перад Госпадам, усіх знаўцаў гэтага, дзвесьце восемдзесят восем.

⁸ І кінулі яны жэрабі пра чаргу служэньня, малы нароўні з большым, настаўнікі нароўні з вучнямі.

⁹ І выпала першае жэрабя Асафу, для Язэпа; другое Гэдаліі з братамі ягонымі і сынамі ягонымі; іх было дванаццаць;

¹⁰ трэцяе Закуру з сынамі ягонымі і братамі ягонымі; іх - дванаццаць;

¹¹ чацьвёртае Іцрыю з сынамі ягонымі і братамі ягонымі; іх - дванаццаць;

¹² пятае Нэтанію з сынамі ягонымі і братамі ягонымі; іх - дванаццаць;

¹³ шостае Вукію з сынамі ягонымі і братамі ягонымі; іх - дванаццаць;

¹⁴ сёмае Есарэлу з сынамі ягонымі і братамі ягонымі; іх - дванаццаць;

¹⁵ восьмае Ісаю з сынамі ягонымі; іх - дванаццаць;

¹⁶ дзявятае Матанію з сынамі ягонымі і братамі ягонымі; іх - дванаццаць;

¹⁷ дзясятае Шымэю з сынамі ягонымі і братамі ягонымі; іх - дванаццаць;

¹⁸ адзінаццатае Азарыілу з сынамі ягонымі і братамі ягонымі; іх - дванаццаць;

¹⁹ дванаццатае Хашавію з сынамі ягонымі і братамі ягонымі; іх - дванаццаць;

²⁰ трынаццатае Шуваілу з сынамі ягонымі і братамі ягонымі; іх дванаццаць;

²¹ чатырнаццатае Матанію з сынамі ягонымі і братамі ягонымі; іх - дванаццаць;

²² пятнаццатае Ерымофу з сынамі ягонымі і братамі ягонымі; іх - дванаццаць;

²³ шаснаццатае Хананію з сынамі ягонымі і братамі ягонымі; іх - дванаццаць;

²⁴ сямнаццатае Ёшбэкашу з сынамі ягонымі і братамі ягонымі; іх - дванаццаць;

²⁵ васямнаццатае Хананію з сынамі ягонымі і братамі ягонымі; іх - дванаццаць;

²⁶ дзевятнаццатае Малотыю з сынамі ягонымі і братамі ягонымі; іх - дванаццаць;

²⁷ дваццатае Эліяту з сынамі і братамі ягонымі; іх - дванаццаць;

²⁸ дваццаць першае Гатыру з сынамі ягонымі і братамі ягонымі; іх - дванаццаць;

²⁹ дваццаць другое Гідалтыю з сынамі ягонымі і братамі ягонымі; іх - дванаццаць;

³⁰ дваццаць трэцяе Махазіёту з сынамі ягонымі і братамі ягонымі; іх - дванаццаць;

³¹ дваццаць чацьвёртае Рамамці-Эзэру з сынамі ягонымі і братамі ягонымі; іх - дванаццаць.