ПСАЛТЫР 149 - Біблія (пераклад А.Бокуна)

Пс 149

¹ Альлелюя! Сьпявайце ГОС­ПАДУ новы сьпеў; хвала Яму ў царкве багабойных!

² Весяліся, Ізраілю, у Творцы тваім; радуйцеся, сыны Сыёну, у Валадару вашым!

³ Хвалеце імя Ягонае карагодамі, на бубнах і на гусьлях выслаўляйце Яго!

⁴ Бо даспадобы ГОСПАДУ народ Ягоны; уцісканым Ён зьявіць збаўленьне.

⁵ Будуць цешыцца багабойныя ў славе [Ягонай], будуць весяліцца на ложках сваіх.

⁶ Праслаўленьне Богу няхай будзе ў вуснах іхніх, а меч двусечны — у руцэ іхняй,

⁷ каб зьдзейсьніць помсту над паганамі, кару над народамі,

⁸ каб вязаць валадароў іхніх ланцугамі, і шляхту іхнюю — кайданамі жалезнымі,

⁹ каб учыніць для іх суд, як напісана. Гэткая велічнасьць для ўсіх багабойных Ягоных! Альлелюя!