ПСАЛТЫР 122 - Біблія (пераклад А.Бокуна)

Пс 122

¹ Сьпеў узыходжаньня. Давіда. Узрадаваўся я, калі мне сказалі: «Хадзем у Дом ГОСПАДА!»

² Вось, ногі нашыя стаяць у брамах тваіх, Ерусаліме!

³ Ерусаліме! Ты пабудаваны, як горад, які злучаны разам,

⁴ куды ўваходзяць калены, калены ГОСПАДА, як сьведчаньне для Ізраіля, каб славіць імя ГОСПАДА,

⁵ бо там стаяць пасады судовыя, пасады дому Давіда.

⁶ Прасіце пра супакой для Ерусаліму! Няхай маюць даб­радзенства тыя, якія любяць цябе.

⁷ Супакой няхай будзе ў мурах тваіх, дабрабыт — у палацах тваіх.

⁸ Дзеля братоў маіх і бліжніх маіх кажу цяпер: «Супакой табе!»

⁹ Дзеля Дому ГОСПАДА, Бога нашага, буду шукаць дабра для цябе.