ПСАЛТЫР 114 - Біблія (пераклад А.Бокуна)

Пс 114

¹ Калі выходзіў Ізраіль з Эгіпту, дом Якуба з народу чужынскага,

² стаўся Юда сьвятыняй Ягонай, Ізраіль — [месцам] панаваньня Ягонага.

³ Мора ўбачыла і ўцякло, Ярдан павярнуў назад.

⁴ Горы скакалі, быццам бараны, узгоркі — быццам ягняты.

⁵ Што табе, мора, што ты ўцякло? Ты, Ярдане, што павярнуў назад?

⁶ Што вы скачаце, горы, быццам бараны, узгоркі — быццам ягняты?

⁷ Перад абліччам Госпада задрыжэла зямля, перад абліччам Бога Якуба,

⁸ Які перамяняе скалу ў возера воднае, крэмень — у крыніцу водаў.