НЭЭМІІ 10 - Біблія (пераклад А.Бокуна)

Нээм 10

¹ Тыя, што прыклалі пячаткі: Нээмія-Тыршата, сын Гахаліі, і Сэдэкія,

² Сэрая, Азарыя, Ярэмія,

³ Пашхур, Амарыя, Малхія,

⁴ Хаттуш, Шэванія, Малух,

⁵ Харым, Мэрэмот, Абадыя,

⁶ Даніэль, Гіннэтон, Барух,

⁷ Мэшулям, Абія, Міямін,

⁸ Маазія, Білгай, Шэмая; гэта сьвятары.

⁹ І лявіты: Ешуа, сын Азаніі, Біннуй з сыноў Хэнадада, Кадміэль,

¹⁰ і браты іхнія: Шэванія, Годыя, Келіта, Пэлая, Ханан,

¹¹ Міха, Рэхоў, Хашавія,

¹² Заккур, Шэрэвія, Шэванія,

¹³ Годыя, Бані, Бэніну.

¹⁴ Галовы народу: Парош, Пахат-Мааў, Элям, Затту, Бані,

¹⁵ Буні, Азгад, Бэвай,

¹⁶ Адонія, Бігвай, Адын,

¹⁷ Атэр, Хізкія, Азур,

¹⁸ Годыя, Хашум, Бэцай,

¹⁹ Харыф, Анатот, Нэвай,

²⁰ Магпіяш, Мэшулям, Хэзір,

²¹ Мэшэзабэль, Цадок, Яддуа,

²² Пэлятыя, Ханан, Аная,

²³ Осія, Хананія, Хашуў,

²⁴ Галяхеш, Пільха, Шавэк,

²⁵ Рэхум, Хашаўна, Маасэя,

²⁶ Ахія, Ханан, Анан,

²⁷ Малух, Харым, Баана.

²⁸ І іншы народ, сьвятары, лявіты, прыдзьвернікі, сьпевакі, нэтынэі і ўсе, якія аддзяліліся ад народаў зямлі [гэтай] дзеля Закону Божага, жонкі іхнія і дочкі іхнія, усе, якія маглі разумець,

²⁹ далучыліся да братоў сваіх, слаўных сваіх, і абавязаліся клятваю і прысягаю хадзіць паводле Закону Божага, які быў дадзены праз рукі Майсея, слугі Божага, і захоўваць, і спаўняць усе прыказаньні ГОСПАДА, Госпада нашага, і прысуды Ягоныя, і пастановы Ягоныя,

³⁰ І не аддаваць дочак нашых народам зямлі гэтай, і дочак іхніх ня браць для сыноў нашых,

³¹ і калі народы зямлі гэтай прывязуць у суботу тавары або ўсялякае збожжа, каб продаць, ня браць у іх у суботу або ў дзень сьвяты, і пакінуць [сяўбу] ў сёмы год, і [дараваць] усе даўгі.

³² І прынялі мы для сябе прыказаньне, каб даваць ад кожнага трэцюю частку сыкля на служэньне ў Доме Бога нашага,

³³ на хлябы пакладныя, на штодзённую ахвяру хлебную і на штодзённае цэласпаленьне, на суботы, на маладзікі, на сьвяты, на рэчы сьвятыя і на ахвяры за грэх, каб перамольваць за Ізраіля, і на ўсякую працу ў Доме Бога нашага.

³⁴ І кінулі мы жэрабя пра ахвяраваньне дроваў, сьвятары, лявіты і народ, каб прыносіць іх у Дом Бога нашага ў вызначаны час, з году ў год, паводле дамоў бацькоў нашых, каб спальваць іх на ахвярніку ГОСПАДА, Бога нашага, як напісана ў Законе.

³⁵ І мы [прысягнулі] прыносіць пяршыны зямлі нашай і пяршыны ўсіх пладоў усіх дрэваў, з году ў год, у Дом ГОСПАДА,

³⁶ і першародных сыноў нашых і са скаціны нашай, як напісана ў Законе, першародных валоў нашых і авечак нашых прыводзіць у Дом Бога нашага для сьвятароў, якія служаць у Доме Бога нашага.

³⁷ і пачаткі цеста нашага, і дароў нашых, і плод усіх дрэваў, віна і алею прыносіць для сьвятароў у каморы Дому Бога нашага, і дзесяціны зямлі нашай [прыносіць] для лявітаў, і гэтыя лявіты будуць браць дзесяціны ў-ва ўсіх гарадах працы нашай.

³⁸ І сьвятар, сын Аарона, будзе пры лявітах, калі лявіты будуць браць дзесяціны, і лявіты дадуць дзесяціну з дзесяцінаў у Дом Бога нашага, у каморы дому скарбніцы;

³⁹ бо ў гэтыя каморы будуць прыносіць сыны Ізраіля і сыны Левія дары збожжа, віна і алею; і там [таксама] начыньне, якое асьвячонае, сьвятары, якія служаць, прыдзьвернікі і сьпевакі. І мы не пакінем Дому Бога нашага!