ІСУСА 12 - Біблія (пераклад А.Бокуна)

Ег 12

¹ Вось валадары той зямлі, якіх забілі сыны Ізраіля і завалодалі зямлёю іхняй за Ярданам, на ўсход сонца, ад ручая Арнон аж да гары Гермон, разам з усёй Арабай на ўсходзе.

² Сыгон, валадар Амарэйцаў, які жыў у Хешбоне і валодаў паловай Гілеаду ад Араэру, што на беразе ручая Арнон, ад сярэдзіны даліны аж да ручая Ябок, мяжы сыноў Амона,

³ а на ўсходзе праз Арабу аж да мора Кінэрэт і мора Арабы або Мора Салёнага, у напрамку Бэт-Гаешымоту, і далей на поўдзень да падножжа Пісгі.

⁴ Пасьля Ог, валадар Башану, апошні з Рэфаімаў, які жыў у Аштароце і ў Эдрэі,

⁵ і панаваў у гарах Гермону, і ў Сальсе, а таксама над усім Башанам аж да мяжы з Гешурам і Маахай, і над паловай Гілеаду, аж да мяжы Сыгона, валадара Хешбону.

⁶ Майсей, слуга ГОСПАДА, і сыны Ізраіля забілі іх. І аддаў зямлю іхнюю Майсей на пасяленьне [сынам] Рубэна і Гада, і палове калена Манасы.

⁷ А вось валадары зямлі, якіх забіў Егошуа і сыны Ізраіля за Ярданам на захад, ад Баал-Гаду ў даліне Лібану аж да гары Халак, якая падымаецца да Сэіру, якую аддаў Егошуа на ўласнасьць каленам Ізраіля, адпаведна да іх падзелу,

⁸ на гары і ў Шэфэлі, у Арабе і на схілах гары, у стэпе і ў Нэгеве, зямлю Хетаў, Амарэйцаў, Хананейцаў, Пэрэзэяў, Хівеяў і Евусэяў:

⁹ валадар Ерыхону — адзін, валадар Гаю, што побач Бэтэлю — адзін;

¹⁰ валадар Ерусаліму — адзін, валадар Хеўрону — адзін,

¹¹ валадар Ярмуту — адзін, валадар Ляхішу — адзін,

¹² валадар Эглёну — адзін, валадар Гезэру — адзін,

¹³ валадар Дэбіру — адзін, валадар Гедэру — адзін,

¹⁴ валадар Хармы — адзін, валадар Араду — адзін,

¹⁵ валадар Лібны — адзін, валадар Адуляму — адзін,

¹⁶ валадар Македы — адзін, валадар Бэтэлю — адзін,

¹⁷ валадар Тапуаху — адзін, валадар Хэфэру — адзін,

¹⁸ валадар Афэку — адзін, валадар Лашарону — адзін,

¹⁹ валадар Мадону — адзін, валадар Хацору — адзін,

²⁰ валадар Шымрону — адзін, валадар Ахшафу — адзін,

²¹ валадар Таанаху — адзін, валадар Мэгіддо — адзін,

²² валадар Кадэшу — адзін, валадар Ёкнэаму, што каля Кармэлю — адзін,

²³ валадар Дору з узвышшаў Дор — адзін, валадар паганаў з Гільгалу — адзін,

²⁴ валадар Тырцы — адзін; усіх валадароў — трыццаць адзін.