ЯНА 8:28 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁸ Сказаў ім тады Ісус: «Калі падымеце Сына Чалавечага, тады пазнаеце, што Я ёсць, ды што Сам ад Сябе нічога не раблю, але тое абвяшчаю, чаму Мяне навучыў Айцец.

Біблія (пераклад А.Бокуна)

²⁸ Тады сказаў ім Ісус: «Калі падымеце Сына Чалавечага, тады даведаецеся, што гэта Я і што нічога не раблю ад Сябе, але як навучыў Мяне Айцец Мой, так і кажу.

Біблія (пераклад В. Сёмухі)

²⁸ Дык вось, Ісус сказаў ім: калі ўзьнесяце Сына Чалавечага, тады і ўведаеце, што гэта Я і што нічога не раблю ад Сябе, а як навучыў Мяне Айцец Мой, так і кажу.

ЯНА 8:28 Крыжаваныя спасылкі

ЯНА 5:30

Сам ад Сябе Я нічога не магу рабіць; суджу так, як чую, ды суд Мой справядлівы, бо не шукаю Маёй волі, але волі паслаўшага Мяне Айца.

ЯНА 5:19

І вось, адказаў ім Ісус і сказаў: «Сапраўды, сапраўды кажу вам: Сын не можа нічога зрабіць Сам ад Сябе, але толькі тое, што бачыць, як Айцец робіць; бо што Ён робіць, тое таксама Сын робіць.

ЯНА 6:38

Бо Я сышоў з неба, не каб Сваю волю чыніць, але волю Таго, Хто Мяне паслаў.

ЯНА 3:14

І як Майсей падняў змяю ў пустыні, так мусіць быць падняты Сын Чалавечы,

РЫМЛЯНАЎ 1:4

і ўстаноўлены Сынам Божым у магутнасці згодна Духу Святому праз уваскрэсенне мёртвых праз Ісуса Хрыста, Госпада нашага.

ДЗЕІ 4:4

А многія з тых, што слухалі слова, уверылі; і было іх лікам каля пяці тысяч мужоў.

ДЗЕІ 2:41

Дык тыя, што прыхільна прынялі яго словы, былі ахрышчаны; і ў той дзень было далучана каля трох тысяч душ.

ЯНА 19:18

дзе і ўкрыжавалі Яго, і з Ім двух іншых з аднаго боку і з другога, а пасярэдзіне Ісуса.

ЯНА 16:10

у справядлівасці, што іду да Айца Майго, ды ўжо Мяне не ўбачыце,

ЯНА 11:42

Я ведаў, што Ты Мяне заўсёды выслухоўваеш, але дзеля народа, які стаіць навокал, Я сказаў, каб уверылі, што Ты Мяне паслаў».

ЯНА 8:24

Вось чаму Я вам сказаў, што памраце ў вашых грахах; бо, калі не паверыце, што Я ёсць, – памраце ў грахах вашых».

ЯНА 3:11

Сапраўды, сапраўды кажу табе: Мы гаворым тое, што ведаем, і сведчым пра тое, што Мы бачылі, але сведчання Нашага не прымаеце.

ВЫХАД 3:14

Сказаў Бог Майсею: «Я — Той, Хто ёсць». Сказаў: «Так скажаш сынам Ізраэля: “Той, Хто ёсць, паслаў мяне да вас”».

ДРУГІ ЗАКОН 18:18

Я пастаўлю ім паміж братоў іх Прарока, падобнага табе, ды ўкладу словы Мае ў Яго вусны, і Ён скажа ім усё, што Я Яму загадаю.

МАЦЬВЕЯ 24:5

Бо многія прыйдуць у імя Маё, кажучы: “Я – Хрыстос”, і многіх звядуць.

МАРКА 13:6

Бо многія прыйдуць у імя Маё, кажучы: “Гэта Я”, і яны многіх звядуць.

ЛУКАША 21:8

Ён сказаў: «Глядзіце, каб вас не звялі; бо многія прыйдуць у імя Маё, кажучы: “Гэта Я” або “Час наблізіўся”. Дык не ідзіце за імі.

ЯНА 4:26

Кажа ёй Ісус: «Гэта Я, Той, Які з табою размаўляе».

ЯНА 8:27

Аднак не зразумелі, што гаварыў Ён ім пра Айца.

ЯНА 8:58

Сказаў ім Ісус: «Сапраўды, сапраўды кажу вам: перш чым Абрагам быў, Я ёсць».

ЯНА 13:19

Наперад кажу вам, перш, чым станецца, каб вы, калі станецца, уверылі, што гэта Я ёсць.

ЯНА 18:32

каб споўнілася слова Ісуса, што сказаў Ён, вызначаючы, якою смерцю меў памерці.