ЯНА 20:19 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁹ Калі ж настаў вечар таго першага дня тыдня і там, дзе былі вучні сабраныя, дзверы былі замкнёныя дзеля страху перад юдэямі, прыйшоў Ісус, і стаў пасярэдзіне, і кажа ім: «Супакой вам!»

Біблія (пераклад А.Бокуна)

¹⁹ А ўвечары таго першага дня пасьля суботы, калі дзьверы там, дзе зьбіраліся вучні Ягоныя, былі замкнёныя дзеля страху перад Юдэямі, прыйшоў Ісус, і стаў пасярэдзіне, і кажа ім: «Супакой вам!»

Біблія (пераклад В. Сёмухі)

¹⁹ У той самы першы дзень тыдня ўвечары, калі дзьверы дома, дзе зьбіраліся вучні Ягоныя, былі замкнутыя з апасеньня перад Юдэямі, прыйшоў Ісус і стаў пасярод, і кажа ім: мір вам!

ЯНА 20:19 Крыжаваныя спасылкі

ЯНА 20:26

І па васьмі днях зноў сабраліся вучні ў доме, і Тамаш з імі. Прыйшоў Ісус, калі дзверы былі замкнёны, і стаў пасярод іх, і сказаў: «Супакой вам».

ЯНА 14:27

Супакой пакідаю вам, супакой Мой даю вам; не як дае свет, Я вам даю. Няхай не трывожыцца сэрца ваша, і няхай не ведае страху.

ЯНА 20:21

Тады Ісус сказаў ім зноў: «Супакой вам! Як Мяне паслаў Айцец, так і Я пасылаю вас».

ЭФЭСЯНАЎ 2:14

Бо Ён – супакой наш, Які злучыў абодвух у адно і зруйнаваў сцяну між імі і варожасць, целам Сваім,

2 ФЕСАЛОНІКІЙЦАЎ 3:16

Сам жа Госпад супакою няхай дасць вам супакой заўсёды ўсякім спосабам. Госпад з усімі вамі.

ЯНА 7:13

Але ніхто не гаварыў пра Яго яўна дзеля страху перад юдэямі.

МАРКА 16:14

Нарэшце паказаўся Ён адзінаццаці, калі яны ўзлягалі пры стале, і дакараў іх за недаверства і закамянеласць сэрца, што не паверылі тым, што бачылі Яго ўваскрослага.

АДКРЫЦЦЁ 1:4

Ян сямі цэрквам у Азіі: ласка вам і супакой ад Таго, Які ёсць, Які быў і Які прыйдзе, і ад сямі духаў, што перад пасадам Яго,

1 КАРЫНФЯНАЎ 15:5

і што з’явіўся Кіфу, і затым дванаццаці,

ЯНА 16:33

Гэта Я вам сказаў, каб вы мелі супакой ува Мне; у свеце будзеце мець прыгнёт, але будзьце пэўныя: Я перамог свет».

ГАБРЭЯЎ 7:2

Яму таксама даў Абрагам дзесяціну з усяго. Імя яго абазначае, па-першае, цар справядлівасці, а потым і цар Салема, што значыць: цар Супакою.

ПІЛІПЯНАЎ 1:2

ласка вам і супакой ад Бога, Айца нашага, і Госпада Ісуса Хрыста.

ЭФЭСЯНАЎ 6:23

Супакой братам і любоў з вераю ад Бога Айца і Госпада Ісуса Хрыста.

РЫМЛЯНАЎ 15:33

Хай Бог супакою будзе з усімі вамі. Амін.

ЯНА 16:22

Так і вы, цяпер тужыце; але Я вас зноў убачу, і будзе радавацца сэрца ваша, і радасці вашай ніхто ўжо не адбярэ ад вас.

МАЦЬВЕЯ 18:20

Бо дзе ў імя Маё збяруцца двое або трое, там і Я пасярод іх».

МАЦЬВЕЯ 10:13

І, калі дом той будзе варты, сыйдзе супакой ваш на яго. А калі не будзе варты, супакой ваш да вас вернецца.

ПСАЛТЫР 122:8

Дзеля братоў маіх і блізкіх маіх прамоўлю: «Супакой Табе!»

ЯНА 21:1

Далей аб’явіўся зноў Ісус вучням каля мора Тыберыядскага, а аб’явіўся ім так.

ЯНА 21:14

Гэта ўжо трэці раз аб’явіўся Ісус вучням Сваім пасля ўваскрэсення з мёртвых.

ДЗЕІ 1:3

Пасля пакуты Сваёй даў Ён ім многа доказаў, што Ён жывы, на працягу сарака дзён паказваючыся ім ды прамаўляючы пра Валадарства Божае.

3 ЯНА 1:14

спадзяюся, што хутка цябе ўбачу і тады пагаворым з вуснаў у вусны.