ЯНА 15:14 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ Вы – сябры Мае, калі рабіць будзеце ўсё, што Я загадваю вам.

Біблія (пераклад А.Бокуна)

¹⁴ Вы — сябры Мае, калі робіце тое, што Я загадваю вам.

Біблія (пераклад В. Сёмухі)

¹⁴ Вы сябры Мае, калі выконваеце тое, што Я наказваю вам;

ЯНА 15:14 Крыжаваныя спасылкі

3 ЦАРСТВАЎ 4:5

Азарыя, сын Натана, — над намеснікамі, Забуд, сын Натана, святар, — прыяцелем цара.

4 ЦАРСТВАЎ 18:6

І моцна трымаўся ён Госпада, і не адступаўся ад слядоў Яго, і спаўняў прыказанні Яго, якія загадаў Госпад Майсею,

2 ЛЕТАПІСАЎ 20:7

Ці не Ты, Божа наш, выгнаў жыхароў гэтай зямлі перад народам Тваім, Ізраэлем, і даў яе навек нашчадкам Абрагама, сябра Твайго?

ВЫХАД 7:6

Тады Майсей і Аарон зрабілі, як загадаў Госпад; такім чынам выканалі.

ВЫСЛОЎІ 18:24

Чалавек можа быць паранены сябрамі, але ёсць сябар, які бліжэй за брата.

ПЕСЬНЯ 5:1

«Хай увойдзе ўлюбёны мой у сад свой і хай пакаштуе найлепшыя плады яго». «Увайшоў я у сад мой, сястра мая, нявеста; збіраў міру маю з пахамі маімі, спажываў соты з мёдам, піў віно з малаком маім. Ежце, сябры, і піце, і насычайцеся, найдаражэйшыя!»

ІСАІ 41:8

Ты вось, Ізраэлю, слуга Мой, Якубе, якога Я выбраў, патомства Абрагама, сябра Майго,

ЕРАМІІ 32:23

І прыйшлі яны, і ўзялі яе ва ўласнасць, але не слухаліся голасу Твайго, не жылі паводле закону Твайго і не спаўнялі ўсяго таго, што Ты ім загадаў, каб спаўнялі. І навёў Ты на іх усе гэтыя беды.

ЕЗЭКІІЛЯ 12:7

І я зрабіў так, як мне загадаў Госпад: свае клункі вынес удзень, як клункі перасяленца, вечарам зрабіў сабе рукою дзірку ў муры; і выйшаў у прыцемках, на іх вачах несучы клункі на плячах.

МАЦЬВЕЯ 12:50

Бо калі хто будзе выконваць волю Айца Майго, Які ёсць у небе, той Мой брат, і сястра, і маці».

ЛУКАША 12:4

Кажу ж вам, сябрам Маім: не бойцеся тых, што забіваюць цела і пасля гэтага нічога болей не могуць зрабіць.

ЯНА 13:17

Калі пра гэта ведаеце, шчасныя будзеце, калі гэтак будзеце рабіць.

ЯНА 14:15

Калі Мяне любіце, захоўвайце прыказанні Мае;

ЯНА 14:21

Хто мае прыказанні Мае і беражэ іх, – гэта той, хто Мяне любіць; а хто Мяне любіць, таго любіць будзе Айцец Мой, і Я яго любіць буду, і аб’яўлю яму Сябе Самога».

ЯНА 14:28

Чулі, што Я сказаў вам: адыходжу і прыходжу да вас. Калі б вы Мяне любілі, сапраўды цешыліся б, што Я сказаў: “Іду да Айца”, бо Айцец Мой большы за Мяне.

ЯНА 2:5

Кажа тады Маці Яго паслугачам: «Зрабіце, што вам загадае».

ЯКАВА 2:23

І споўнілася Пісанне, дзе сказана: «Паверыў Абрагам Богу, і залічана гэта яму за праведнасць», і названы ён сябрам Божым.

1 ЯНА 5:3

бо любоў да Бога ў тым, каб мы выконвалі прыказанні Яго, а прыказанні Яго не цяжкія,

РУТ 3:6

І пайшла яна на ток, і зрабіла ўсё, што загадала ёй свякроў.