ЯНА 1:16 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ І з паўнаты Яго ўсе мы ўзялі, і ласку за ласку;

Біблія (пераклад А.Бокуна)

¹⁶ І ад поўнасьці Яго ўсе мы прынялі ласку [Божую] за ласкай [Божай].

Біблія (пераклад В. Сёмухі)

¹⁶ І ад паўнаты Яго ўсе мы прынялі і мілату да мілаты;

ЯНА 1:16 Крыжаваныя спасылкі

ПСАЛТЫР 84:7

Праходзячы сухой лагчынаю, яны робяць яе крыніцаю, бо ранні дождж дабраславеннем зросіць яе.

ЗАХАРЫІ 4:7

Хто ты, гара вялікая, перад Зарабабэлем? Будзеш раўнінай. І выкаціць ён знатны камень пры радасных воклічах: “Які прыгожы!”»

МАЦЬВЕЯ 13:12

Бо таму, хто мае, дададзена будзе і памножыцца; а ў таго, хто не мае, і тое, што мае, будзе аднята.

МАЦЬВЕЯ 3:11

Я вас хрышчу вадою дзеля навяртання, але Той, Хто ідзе за мною, дужэйшы за мяне. Яму я не варты насіць пасталоў. Ён будзе хрысціць вас Духам Святым і агнём.

МАЦЬВЕЯ 3:14

Але Ян утрымліваў Яго, кажучы: «Я з Твайго дазволу павінен быць ахрышчаны, а Ты ідзеш да мяне?»

ЛУКАША 21:15

бо Я дам вам вусны і мудрасць, якой не змогуць ні пярэчыць, ні супрацьстаць усе праціўнікі вашы.

ЯНА 3:34

І Той, Каго Бог паслаў, прамаўляе словы Божыя, бо не мераючы дае Бог Духа.

РЫМЛЯНАЎ 5:17

І калі за злачынства аднаго смерць запанавала праз аднаго, то непараўнальна больш тыя, што атрымоўваюць шчодрасць ласкі і дару справядлівасці, панаваць будуць у жыцці праз аднаго, Ісуса Хрыста.

РЫМЛЯНАЎ 5:2

праз Якога вераю маем доступ да той ласкі, у якой трываем, ды пахваляемся надзеяй славы Божай.

РЫМЛЯНАЎ 5:20

Закон жа прыйшоў пасля, так што злачынствы памнажаліся; а дзе памножыўся грэх, там празмерна памножылася ласка,

РЫМЛЯНАЎ 8:9

Вы, аднак, не жывяце паводле цела, але паводле Духа, калі толькі Божы Дух жыве ў вас. А калі хто не мае Духа Хрыстова, той не Яго.

ЭФЭСЯНАЎ 1:23

якая ёсць Цела Яго, поўня Таго, Які ўсё ўсім напаўняе.

ЭФЭСЯНАЎ 3:19

а таксама пазнаць любоў Хрыста, найвышэйшае веданне, каб напоўніліся вы ўсёю поўняй Бога.

КАЛАСЯНАЎ 1:19

бо спадабалася, каб у Ім прабывала ўсякая паўната,

КАЛАСЯНАЎ 2:3

у Якім усе скарбы мудрасці і ведання схаваны.

1 ПЯТРА 1:11

даследуючы, калі і на якую пару паказваў Дух Хрыстоў, Які ў іх прабываў і Які прадказваў пакуты Хрыста і пазнейшую славу.

1 ПЯТРА 1:2

наканаваннем Бога Айца пры асвячэнні Духам, дзеля паслухмянасці і пакраплення Крывёй Ісуса Хрыста: хай ласка і супакой будуць вам шчодра памножаны.