ЯКАВА 2:8 - Кнігі Святога Пісання - Біблія - Біблія — пераклад Чарняўскага (выданне 2017 года)

⁸ Дык калі выконваеце царскі закон паводле Пісання: «Любі бліжняга свайго як самога сябе», – добра робіце.

Біблія (пераклад А.Бокуна)

⁸ Калі, аднак, вы спаўняеце валадарскі закон паводле Пісаньня: «Любі бліжняга твайго як самога сябе», добра робіце;

Біблія (пераклад В. Сёмухі)

⁸ Калі вы выконваеце закон царскі, паводле Пісаньня: палюбі блізкага твайго, як сябе самога, - добра робіце.

ЯКАВА 2:8 Крыжаваныя спасылкі

3 ЦАРСТВАЎ 8:18

але сказаў Госпад Давіду, бацьку майму: “Тое, што ты задумаў у сэрцы сваім, каб збудаваць дом імю Майму, добра ты зрабіў, абдумваючы гэта;

4 ЦАРСТВАЎ 7:9

І сказалі яны адзін аднаму: «Дрэнна мы робім; бо дзень гэты — дзень радаснай весткі, а мы маўчым. Калі будзем адкладаць аж да раніцы, то нас зловяць на злачынстве; хадземце, пойдзем і паведамім у палацы цара».

ЛЯВІТ 19:18

Не помсці ды не гневайся на суайчыннікаў сваіх. Любі бліжняга свайго як самога сябе. Я — Госпад!

ЛЯВІТ 19:34

але хай будзе пасярод вас як тутэйшы, і любі яго, як самога сябе, бо і вы былі чужынцамі ў зямлі Егіпецкай. Я — Госпад, Бог ваш!

ЁНЫ 4:4

А Госпад сказаў: «Ці ты думаеш, што справядліва гневаешся?»

ЁНЫ 4:9

Дык сказаў Бог Ёну: «Ці справядліва ты гневаешся з прычыны гэтага плюшчавага куста?» І ён адказаў: «Вельмі гневаюся я, аж да смерці».

МАЦЬВЕЯ 22:39

Другое падобнае гэтаму: любі бліжняга свайго, як сябе самога.

МАЦЬВЕЯ 25:21

Гаворыць яму гаспадар яго: “Добра, паслугач добры і верны; у малым быў ты верны, дам табе ўладу над многім; увайдзі ў радасць гаспадара твайго”.

МАЦЬВЕЯ 25:23

Гаворыць яму гаспадар яго: “Добра, паслугач добры і верны; ты быў у малым верны, дам табе ўладу над многім; увайдзі ў радасць гаспадара твайго”.

МАЦЬВЕЯ 7:12

І ўсё, што толькі хочаце, каб вам рабілі людзі, вы і самі ім рабіце. Гэта ёсць закон і прарокі.

РЫМЛЯНАЎ 13:10

Любоў не робіць ліха бліжняму, таму любоў ёсць спаўненне закону.

ГАЛЯТАЎ 5:14

Бо ўвесь закон адным выразам спаўняецца, вось гэтым: «Любі блізкага свайго, як самога сябе».

ГАЛЯТАЎ 6:2

Насіце цяжары адзін аднаго і гэтым выканайце закон Хрыстоў.

ПІЛІПЯНАЎ 4:14

Аднак жа добра вы зрабілі, успамагаючы бядзе маёй.

1 ФЕСАЛОНІКІЙЦАЎ 4:9

Адносна любові братняй не маем патрэбы вам пісаць; бо самі вы навучаны Богам адзін аднаго любіць.

ЯКАВА 1:25

Хто ж пранікне ў дасканалы закон свабоды і вытрывае ў ім, той станецца не слухачом, які забываецца, але выканаўцам справы, і шчасны будзе ў сваёй дзейнасці.

ЯКАВА 2:12

Гаварыце і рабіце так, як тыя, якія павінны быць суджаны паводле закону свабоды.

ЯКАВА 2:19

Ты верыш, што Бог адзін? Добра робіш, але і дэманы вераць і дрыжаць!

ЯКАВА 4:11

Браты, не ачарняйце адзін аднаго. Хто ачарняе брата свайго або асуджае брата свайго, той ачарняе закон ды асуджае закон. А калі ты асуджаеш закон, дык ты не выканавец закону, але суддзя.

1 ПЯТРА 2:9

Але вы – выбранае племя, валадарнае святарства, святы народ, люд набыты, каб абвяшчалі дасканаласці Таго, Хто паклікаў вас з цемры ў цудоўнае святло Сваё;