ЭФЭСЯНАЎ 5:18 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁸ І не ўпівайцеся віном, у якім распуста, але напаўняйцеся Духам,

Біблія (пераклад А.Бокуна)

¹⁸ І не ўпівайцеся віном, бо ў ім распуста, але напаўняйцеся Духам,

Біблія (пераклад В. Сёмухі)

¹⁸ І ня ўпівайцеся віном, ад якога бывае распуста; а напаўняйцеся Духам,

ЭФЭСЯНАЎ 5:18 Крыжаваныя спасылкі

БЫЦЦЁ 9:21

П’ючы віно, ён ап’янеў і ляжаў, аголены, у сваёй палатцы.

ПСАЛТЫР 69:12

Валасяніца на мне замест адзення майго, і стаўся я пасмешышчам для іх.

ВЫСЛОЎІ 20:1

Віно — празмерная рэч і сіцэра — неспакойная; ніхто з тых, хто захапляецца імі, не будзе мудрым.

ПЕСЬНЯ 1:4

«Чарнявая я, але зграбная, дочкі Ерузаліма, як палаткі Кедара, як заслоны Саламона.

ПЕСЬНЯ 7:9

Я сказаў: “Узлезу на пальму і авалодаю пладамі яе”, і будуць грудзі твае — як гронкі вінаградныя, і пах вуснаў тваіх — як ад яблыкаў.

ІСАІ 25:6

І ўчыніць Госпад Магуццяў на гэтай гары для ўсіх народаў тлусты пачастунак, банкет з віном ачышчаным, з тлустасцю касцей.

ІСАІ 5:22

Гора тым, якія спрытныя ў піцці віна ды адважныя ў мяшаным п’янстве.

ІСАІ 55:1

«Гэй! Усе сасмаглыя, прыходзьце да вады, і вы, хто не маеце срэбра, паспяшайце, купляйце і спажывайце: прыходзьце, купляйце, без срэбра і без аніякай платы віно і малако!

ЛЯВІТ 10:9

«Калі ўваходзіце ў палатку сустрэчы, то ані ты, ані твае сыны не піце віна, ані ўсяго таго, што можа п’яніць, каб не паўміралі. Гэта закон вечны ў пакаленнях вашых,

МАЦЬВЕЯ 23:25

Гора вам, кніжнікі і фарысеі, крывадушнікі, бо абмываеце тое, што звонку чары і місы, а ўнутры поўныя здзерства ды нячыстасці.

МАЦЬВЕЯ 24:49

і пачне біць таварышаў сваіх, і будзе есці і піць з п’яніцамі,

ЛУКАША 1:15

Ён будзе вялікім на віду Госпада, і не будзе піць віна і сіцэры, ды яшчэ ад улоння маці сваёй будзе напоўнены Духам Святым,

ЛУКАША 11:13

Таму, калі вы, хоць і благія, умееце даваць дзецям вашым добрыя дары, дык наколькі ж больш Айцец з неба дасць Духа Святога тым, хто просіць Яго».

ЛУКАША 12:45

А калі той слуга скажа ў сэрцы сваім: “Гаспадар мой марудзіць з прыходам”, ды пачне біць паслугачоў і паслугачак, есці, піць ды напівацца,

ЛУКАША 21:34

Сцеражыцеся, каб не абцяжарылі сэрцы вашы абжорствам і п’янствам ды клопатамі гэтага жыцця, і каб дзень той не прыйшоў да вас знянацку;

ЯНА 2:10

і кажа яму: «Кожны чалавек дае найперш добрае віно, а калі нап’юцца, тады горшае: ты ж захаваў добрае віно аж дасюль».

ДЗЕІ 11:24

А быў ён чалавек добры і поўны Духа Святога ды веры. І вялікая колькасць прыхінулася да Госпада.

РЫМЛЯНАЎ 13:13

Будзем жыць прыстойна, як удзень: не ў абжорстве і п’янствах, не ў распусце і нячыстасці, не ў звадцы ды зайздрасці,

1 КАРЫНФЯНАЎ 11:21

Кожны бо з вас спяшаецца першым з’есці сваю вячэру, і таму адзін галодны, а ў той час іншы ўпіваецца.

1 КАРЫНФЯНАЎ 5:11

Але я пісаў вам, каб вы не мелі лучнасці з тым, хто называецца братам, а ў сапраўднасці ёсць распуснікам, або хціўцам, або балванапаклоннікам, або зламоўным, або п’яніцам, або рабаўніком; з такімі нават не есці разам.

1 КАРЫНФЯНАЎ 6:10

ані злодзеі, ані хціўцы, ані п’яніцы, ані зламоўныя, ані рабаўнікі не атрымаюць у спадчыну Валадарства Божага.

ДРУГІ ЗАКОН 21:20

і скажуць ім: «Сын наш гэты ўпорысты і непаслухмяны, не хоча ён слухаць нашых напамінаў, аддаецца гулянкам, распусце і п’янству».

1 ФЕСАЛОНІКІЙЦАЎ 5:7

Бо тыя, што спяць, ноччу спяць, і тыя, што п’юць, ноччу п’яныя.

ЦІТА 1:6

калі хто без заганы, муж аднае жонкі, мае веруючых дзяцей, не вінавачаных у распусце або непаслухмянасці.