ЭФЭСЯНАЎ 4:24 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ і апраніцеся ў новага чалавека, створанага Богам у справядлівасці і святасці праўды.

Біблія (пераклад А.Бокуна)

²⁴ і апрануцца ў новага чалавека, які створаны паводле Бога ў праведнасьці і сьвятасьці праўды.

Біблія (пераклад В. Сёмухі)

²⁴ і апрануцца ў новага чалавека, створанага ў падабенстве Божым, у праведнасьці і сьвятасьці ісьціны.

ЭФЭСЯНАЎ 4:24 Крыжаваныя спасылкі

2 КАРЫНФЯНАЎ 5:17

Бо хто ў Хрысце – новае стварэнне; старое мінула, вось, усё сталася новае.

ЭФЭСЯНАЎ 2:10

Бо мы – Яго стварэнне, створаныя ў Хрысце Ісусе для добрых спраў, якія Бог загадзя прыгатаваў, каб мы ў іх жылі.

РЫМЛЯНАЎ 13:14

але адзеньцеся ў Госпада Ісуса Хрыста ды не апякуйцеся над целам дзеля пажадлівасці.

ЭФЭСЯНАЎ 6:11

Апраніцеся ва ўсю зброю Божую, каб змаглі ўстаяць супраць хітрыкаў д’ябла.

РЫМЛЯНАЎ 6:4

Таму праз хрост мы разам з Ім пахаваны ў смерць, каб, як Хрыстос быў уваскрашоны з мёртвых славаю Айца, так і мы пачалі жыць абноўленым жыццём.

2 КАРЫНФЯНАЎ 3:18

Мы ж усе з адкрытым тварам аглядаем славу Госпадаву, быццам у люстэрку, і перамяняемся ў Яго вобраз з яснасці ў яснасць, так, як ад Госпадава Духа.

2 КАРЫНФЯНАЎ 4:16

Таму мы і не падаем духам, бо хоць наш чалавек, той, што звонку, знішчаецца, аднак той, што ўнутры, з дня на дзень аднаўляецца.

РЫМЛЯНАЎ 13:12

Ноч мінула, а дзень наблізіўся. Дык адкінем учынкі цемры і адзенемся ў зброю святла.

ЦІТА 2:14

Які ахвяраваў Самога Сябе за нас, каб збавіць нас ад усякага беззаконня і ачысціць Сабе народ асаблівы, рупны пра добрыя ўчынкі.

1 ПЯТРА 2:2

як нованароджаныя дзеткі запрагніце духоўнага і непадробленага малака, каб ад яго вы ўзраслі да збаўлення,

РЫМЛЯНАЎ 8:29

Бо тых, якіх Ён спрадвеку пазнаў, тых Ён прызначыў стацца падобнымі да вобразу Сына Свайго, каб Ён быў першародным між многімі братамі.

ЯНА 17:17

Асвяці іх у праўдзе Тваёй; Слова Тваё ёсць праўда.

ГАЛЯТАЎ 6:15

Бо ў Ісусе Хрысце не мае значэння ані абразанне, ані неабразанне, але новае стварэнне.

ГАЛЯТАЎ 3:27

Бо вы, тыя, што ў Хрыста ахрысціліся, у Хрыста апрануліся.

ІСАІ 52:1

Прабудзіся, прабудзіся! Апраніся ў мужнасць сваю, Сіёне; апраніся ў шаты славы сваёй, Ерузалім, горад святасці! Бо не наважыцца болей неабрэзаны ды нячысты, каб прайсці праз цябе.

1 КАРЫНФЯНАЎ 15:53

Бо трэба, каб тое, што знішчальнае, прыадзелася ў незнішчальнасць і смяротнае прыадзелася ў несмяротнасць.

ЁВА 29:14

Я апрануўся ў справядлівасць і прыбраўся, як плашчом і вянцом, судом сваім.

ЭФЭСЯНАЎ 2:15

скасаваў закон прыказанняў вучэннем, каб стварыць у Сабе з двух аднаго новага чалавека, творачы супакой,

ІСАІ 59:17

Адзеўся ў справядлівасць, як у панцыр, і шалом збаўлення на галаве яго, адзеўся ў вопратку помсты. Ды ўбраўся ў руплівасць, быццам у плашч.

ГАБРЭЯЎ 12:14

Імкніцеся да міру з усімі і ўсвячайцеся, бо без гэтага ніхто не ўбачыць Бога.

ГАБРЭЯЎ 1:8

А да Сына: «Пасад Твой, Божа, на векі вечныя, і жазло справядлівасці – жазло валадарства Твайго.

БЫЦЦЁ 5:1

Вось запіс радаводу Адама. У дзень, калі Бог стварыў чалавека, зрабіў яго на падабенства Божае.

ЛУКАША 1:75

ў святасці і справядлівасці перад Ім ва ўсе дні жыцця нашага.

РЫМЛЯНАЎ 7:6

Цяпер жа мы вызвалены ад закону, у якім утрымліваліся, памерлі для яго, каб служыць Богу ў абнаўленні Духа, а не па старой літары.

РЫМЛЯНАЎ 12:2

І не ўпадабняйцеся гэтаму веку, але перамяняйцеся праз аднаўленне розуму вашага, каб пазналі, якая ёсць воля Божая, добрая, прыемная, дасканалая.

2 ПЯТРА 1:4

праз якія падараваў Ён нам дарагія і вялікія абяцанні, каб праз іх сталіся вы ўдзельнікамі Божае прыроды, усцярогшыся псавання ад пажадлівасці, якая ў свеце,