ЭКЛЕЗІЯСТА 9:8 - Кнігі Святога Пісання - Біблія - Біблія — пераклад Чарняўскага (выданне 2017 года)

⁸ Хай увесь час будуць белымі шаты твае, ды хай алеек з галавы тваёй не знікае!

Біблія (пераклад А.Бокуна)

⁸ Увесь час няхай будзе белым адзеньне тваё, і алею на галаве тваёй няхай не бракуе.

Біблія (пераклад В. Сёмухі)

⁸ Хай сьветлай будзе ва ўсякую пору адзежа твая і хай не абсохне алей на тваёй галаве.

ЭКЛЕЗІЯСТА 9:8 Крыжаваныя спасылкі

2 ЦАРСТВАЎ 14:2

паслаў у Тэкуа, і прывёў адтуль разумную жанчыну, і сказаў ёй: «Прыкінься, што ты ў жалобе, і апраніся ў жалобнае адзенне, і не намашчайся алеем, каб быць, як жанчына, якая ўжо вельмі доўга смуткуе па памерлым.

2 ЦАРСТВАЎ 19:24

І Мэрыбаал, сын Саўла, таксама выйшаў насустрач цару; не мыў ён ног, і не стрыг пазногцяў, і не стрыг барады, і не мыў адзення свайго з таго дня, у які цар выехаў, аж да дня вяртання яго.

ЭСТЭР 8:15

Мардахэй жа выйшаў ад цара з палаца ў бліскучым адзенні царскім, гэта значыць у гіяцынтавым і белым, несучы вялікі залаты вянец на галаве, і апрануты ў плашч шаўковы і пурпуровы: і ўвесь горад цешыўся і весяліўся.

ПСАЛТЫР 23:5

Ты накрыў перада мною стол насуперак тым, што ўціскаюць мяне; намасціў алейкам галаву маю, і келіх мой поўны з вярхом.

ДАНІІЛА 10:3

не еў я хлеба жаданага, не браў у вусны свае ані віна, ані мяса, не намашчаўся таксама духмянымі рэчывамі, аж пакуль не скончыліся тры тыдні дзён.

АМОСА 6:6

П’ючы віно з чар, намашчаюцца лепшым алейкам, а ніколькі не сумуюць над падзеннем Язэпа.

МАЦЬВЕЯ 6:17

А ты, калі посціш, памаж галаву сваю ды абмый твар свой,

ЛУКАША 7:46

Не намасціў ты галавы Маёй; а яна ногі Мае намасціла алейкам.

АДКРЫЦЦЁ 16:15

Вось, іду як злодзей. Шчасны той, хто чувае і сцеражэ адзежу сваю, каб не хадзіць голым і каб не паказаць сораму свайго.

АДКРЫЦЦЁ 19:14

І войска нябеснае, апранутае ў вісон чысты і белы, на белых конях ідзе за Ім.

АДКРЫЦЦЁ 19:8

І дадзена ёй прыбрацца ў вісон чысты і ззяючы, вісон жа ёсць учынкі праведнасці святых».

АДКРЫЦЦЁ 7:9

Пасля ўбачыў я: і, вось, вялікі натоўп, якога пералічыць ніхто не мог, з усіх плямёнаў і пакаленняў, народаў і моў. І стаялі яны перад пасадам і перад Ягнём, апранутыя ў белыя вопраткі, і пальмы ў руках іх.

РУТ 3:3

Дык ты памыйся, намасціся і апрані строі свае і схадзі на ток; але не з’яўляйся перад ім, пакуль не скончыць ён есці і піць.