ЭКЛЕЗІЯСТА 7:4 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴ Сэрца мудрых — у доме жалобы, а сэрца неразумных — у доме весялосці.

Біблія (пераклад А.Бокуна)

⁴ Сэрца мудрых — у доме жалобы, а сэрца дурняў — у доме радасьці.

Біблія (пераклад В. Сёмухі)

⁴ Сэрцы мудрых - у доме плачу а сэрцы бязглуздых - у доме вясёлым.

ЭКЛЕЗІЯСТА 7:4 Крыжаваныя спасылкі

АСІІ 7:5

У дзень цара нашага князі самлелі ад гарачкі віна, яно апанавала дзёрзкіх.

ДАНІІЛА 5:30

Той самай ноччу цар халдэйскі Балтасар быў забіты.

ЕРАМІІ 51:57

«І напаю Я князёў яго, і мудрацоў яго, і намеснікаў яго, і ўрадоўцаў яго, і мужных яго, і заснуць яны сном вечным, і не прачнуцца, — кажа Валадар, Госпад Магуццяў — імя Яго».

ЕРАМІІ 51:39

У прагнасці іх падрыхтую ім баль, напаю іх, каб ашалелі і заснулі сном вечным, і не прачнуліся, — кажа Госпад. —

ІСАІ 21:4

Трасецца сэрца маё, страх напаў на мяне; прыцемкі, мною жаданыя, ператварыліся для мяне ў жахі.

3 ЦАРСТВАЎ 20:16

І выйшлі яны апоўдні, калі Бэнадад, п’яны, піў у палатках разам з трыццаццю двума царамі, якія прыйшлі яму на дапамогу.

2 ЦАРСТВАЎ 13:28

І загадаў Абсалом паслугачам сваім, кажучы: «Глядзіце: калі Амнон павесялее ад віна, я загадаю вам: “Ударце Амнона!” — і вы забіце яго! Не бойцеся; бо гэта я загадваю вам. Набярыцеся сілы і будзьце адважнымі людзьмі».

1 ЦАРСТВАЎ 30:16

Калі ён павёў яго, тыя разышліся, вось, па ўсёй краіне, елі і пілі, і святкавалі дзеля вялікай здабычы і нарабаванага, якое сабралі яны ў філістынскай і Юдэйскай зямлі.

1 ЦАРСТВАЎ 25:36

А Абігайль вярнулася да Набала; і вось, ён спраўляў баль у доме сваім, як баль царскі. І сэрца Набала было вясёлае, бо быў ён надта п’яны. І яна не сказала яму ані малога, ані вялікага слова пра гэтае да раніцы.

НАВУМА 1:10

Як густыя церні, сплеценыя між сабою, ды як горкія п’яніцы, так яны цалкам спалены будуць, як сухая салома.

ЭКЛЕЗІЯСТА 2:1

Сказаў я ў сэрцы маім: «Прыходзь, я выпрабую цябе радасцю: атрымай асалоду ад даброт»; і вось — гэта таксама марнасць.

ЭКЛЕЗІЯСТА 7:3

Лепшы смутак за смех, бо праз засмучанасць твару выпраўляецца душа.

ЭКЛЕЗІЯСТА 7:5

Лепш цярпець нападкі мудрага, чым радавацца спевам неразумнага,