ЭКЛЕЗІЯСТА 7:13 - Кнігі Святога Пісання - Біблія - Біблія — пераклад Чарняўскага (выданне 2017 года)

¹³ Прыгледзься да спраў Божых: бо ніхто не змог бы выпрастаць тое, што крывым Ён зрабіў.

Біблія (пераклад А.Бокуна)

¹³ Паглядзі на справы Божыя, бо хто можа выпрастаць тое, што Ён скрывіў.

Біблія (пераклад В. Сёмухі)

¹³ Прыгледзься да дзеяў Божых: хто можа выправіць тое, што Ён зрабіў крывым.

ЭКЛЕЗІЯСТА 7:13 Крыжаваныя спасылкі

ЁВА 11:10

Калі Ён руйнуе або закрывае і сціскае, хто запярэчыць Яму?

ЁВА 12:14

Калі Ён разбурыць, то няма таго, хто адбудуе; калі Ён замкне чалавека, няма таго, хто б адчыніў.

ЁВА 34:29

Бо калі Ён будзе ў супакоі, хто асудзіць; а калі Ён схавае аблічча Сваё, хто можа Яго ўбачыць? Будзе гэта для народа і для аднаго чалавека;

ЁВА 37:14

Выслухай гэта, Ёве, і ўстань і паразважай пра Божыя цуды.

ЁВА 9:12

Калі Ён раптам схопіць [каго], хто ж Яму перашкодзіць? Або хто можа сказаць: “Што Ты робіш?”

ПСАЛТЫР 107:43

Хто ж мудры і будзе трымацца гэтага, зразумее міласэрнасць Божую.

ПСАЛТЫР 8:3

Праз вусны дзяцей і немаўлят учыніў Ты хвалу дзеля ворагаў Тваіх, каб утаймаваць ворага і мсціўцу.

ЭКЛЕЗІЯСТА 1:15

Што крывое — не можа стацца прамым, а чаго не хапае — не можа быць палічана.

ЭКЛЕЗІЯСТА 3:11

Усё добрае зрабіў Ён у свой час; і перадаў сусвет разважнасці іх, ды не спасцігне чалавек справы, якую ўчыніў Бог, ад пачатку да канца.

ЭКЛЕЗІЯСТА 8:17

тады зразумеў я, што адносна ўсіх спраў Божых чалавек не можа знайсці аніякай прычыны таго, што адбываецца пад сонцам; і чым больш чалавек будзе намагацца высветліць гэта, тым менш спасцігне; і нават калі мудрэц скажа, што ён зразумеў, ён не можа спасцігнуць.

ІСАІ 14:27

Бо Госпад Магуццяў так вырашыў, дык хто ж зможа адмяніць? І рука Яго выцягнута, — дык хто ж яе адверне?

ІСАІ 43:13

Я ад самага пачатку Той Самы. І няма нікога, хто б вырваў з Маёй рукі; Я ўчыню, і хто зменіць гэта?»

ІСАІ 5:12

Цытра і ліра, бубен і флейта ды віно на іх балях, пра справу Госпада не дбаюць і не бачаць твораў рук Яго.

ЛУКАША 12:26

Калі вы нават і найменшай рэчы не можаце, дык чаму пра іншыя турбуецеся?

РЫМЛЯНАЎ 9:15

Бо Ён кажа Майсею: «Я пашкадую таго, каго шкадую, ды буду літасцівы да таго, да каго літасцівы».

РЫМЛЯНАЎ 9:19

А ты скажаш мне: «Чаму тады дакарае? Хто бо зможа супрацівіцца волі Яго?»

ЭФЭСЯНАЎ 1:11

У Ім былі пакліканы да ўдзелу і мы, што прызначаны наперад паводле рашэння Таго, Які спраўляе ўсё паводле пастановы волі Сваёй,