ЭКЛЕЗІЯСТА 3:20 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁰ І ўсё ідзе ў адно месца: з зямлі ўсё створана і ў зямлю ўсё падобным чынам вяртаецца.

Біблія (пераклад А.Бокуна)

²⁰ Усё ідзе ў адно месца, усё з пылу паўстала, і ўсё ў пыл вяртаецца.

Біблія (пераклад В. Сёмухі)

²⁰ Усё ідзе ў адно месца; усё выйшла з тла, і ўсё вяртаецца ў тло.

ЭКЛЕЗІЯСТА 3:20 Крыжаваныя спасылкі

БЫЦЦЁ 25:17

І споўнілася гадоў жыцця Ізмаэля сто трыццаць сем гадоў; саслабеўшы, памёр ён і далучыўся да народа свайго.

БЫЦЦЁ 25:8

І, саслабеўшы, памёр Абрагам у добрай старасці і ў шаноўным узросце, і, насычаны жыццём, далучыўся ён да народа свайго.

БЫЦЦЁ 3:19

У поце твару твайго будзеш есці хлеб, аж пакуль не вернешся ў зямлю, з якой ты ўзяты, бо ты пыл і ў пыл вернешся».

ЁВА 14:10

А чалавек, які слабее і памірае, адыходзіць, і я пытаюся: “Дзе ён?”

ЁВА 14:14

Ці памерлы чалавек зноў будзе жыць? Усе дні маёй службы чакаю, калі прыйдзе мая замена.

ЁВА 17:13

Калі і датрываю, то апраметная — дом мой; у цемры паслаў я ложак мой.

ЁВА 30:24

Ды ўсё ж не на знішчэнне Ён працягвае руку, і ў Яго зыходзе будзе збаўленне.

ЁВА 34:15

то прапала б адразу кожнае цела, і чалавек перамяніўся б у парахно.

ЁВА 7:9

Як воблака марнее і знікае, так і той, хто сыдзе ў цемру, не падымецца.

ПСАЛТЫР 103:14

Бо Ён спазнаў стварэнне наша, успомніў, што мы — пыл.

ПСАЛТЫР 104:29

Калі ж Ты адвернеш аблічча Тваё, яны ўстрывожацца; адымеш дыханне ў іх, і яны загінуць, і абернуцца ў парахно сваё.

ПСАЛТЫР 49:14

Такая дарога тых, у якіх спадзяванне на саміх сябе, і такі канец тых, якія сваёй гаворкай захапляюцца.

ЭКЛЕЗІЯСТА 12:7

а дух вернецца да Бога, Які яго даў.

ЭКЛЕЗІЯСТА 3:21

Хто ведае, ці дух сыноў чалавечых падымаецца ўверх і ці дух жывёлін сыходзіць уніз, у зямлю?

ЭКЛЕЗІЯСТА 6:6

Калі б нават пражыў ён дзве тысячы гадоў і не атрымліваў асалоды ад дабра, ці не ў адно месца імкнуцца ўсе?

ЭКЛЕЗІЯСТА 7:2

Лепш ісці ў дом жалобы, чым у дом банкету; бо ў гэтым канец кожнага чалавека і жывы збярэ гэта ў сэрцы.

ЭКЛЕЗІЯСТА 9:10

Што толькі можа рабіць рука твая, выконвай несупынна, бо ў пекле, куды ты спяшаешся, не будзе ані працы, ані розуму, ані мудрасці, ані ведаў.

ДАНІІЛА 12:2

І многія з тых, што спяць у праху зямлі, абудзяцца: адны да жыцця вечнага, і другія — на вечную ганьбу.

ЛІКІ 27:13

І калі агледзіш яе, ты пойдзеш да народа свайго, як пайшоў брат твой, Аарон,