ЭКЛЕЗІЯСТА 3:1 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Усё мае [свой] час, і свая пара кожнай справе пад небам;

Біблія (пераклад А.Бокуна)

¹ Для ўсяго ёсьць свой тэрмін, і час для кожнай рэчы пад небам;

Біблія (пераклад В. Сёмухі)

¹ Усё мае сваю пару, і гадзіна кожнае дзеі - пад небам.

ЭКЛЕЗІЯСТА 3:1 Крыжаваныя спасылкі

4 ЦАРСТВАЎ 5:26

А той сказаў яму: «Ці ж сэрца маё не хадзіла з табою, калі насустрач табе сышоў чалавек з калясніцы сваёй? Ці цяпер час браць срэбра, і браць адзенне, і аліўкавыя дрэвы, і вінаграднікі, і авечак, і валоў, і нявольнікаў, і нявольніц?

2 ЛЕТАПІСАЎ 33:12

Ён у горы сваім маліў Госпада, Бога свайго, і моцнай пакутай упакорыўся перад Богам бацькоў сваіх.

ВЫСЛОЎІ 15:23

Весяліцца чалавек з адказу вуснаў сваіх, і спрыяльная размова — найлепшая.

ВЫСЛОЎІ 24:27

Рыхтуй справу сваю знадворку і старанна выконвай яе на сваёй ніве, каб потым пабудаваць дом свой.

ЭКЛЕЗІЯСТА 1:13

І вырашыў у душы сваёй вышукваць і даследаваць мудра ўсё, што дзеецца пад сонцам. Гэты найцяжэйшы занятак даў Бог сынам чалавечым, каб займаліся ім.

ЭКЛЕЗІЯСТА 2:17

Дзеля таго абрыдла жыццё маё мне, бо ліхое для мяне ўсё, што адбываецца пад сонцам; бо ўсё марнасць і турбаванне духа.

ЭКЛЕЗІЯСТА 2:3

Вырашыў я ў сэрцы сваім прывабліваць цела сваё віном, хоць сэрца маё кіравалася мудрасцю, і аддацца дурноце, аж пакуль не ўбачу, што ёсць карыснае для сыноў чалавечых, што належыць ім рабіць пад сонцам у нямногія дні жыцця свайго.

ЭКЛЕЗІЯСТА 3:17

Дык сказаў я ў сэрцы маім: «Справядлівага і бязбожнага будзе судзіць Бог, бо [прыйдзе] час на кожную рэч і на кожную справу».

ЭКЛЕЗІЯСТА 7:14

У добры дзень пацяшайся з дабра, а ў дзень ліхі падумай: як тое, так і гэтае стварыў Бог, каб чалавек не даведаўся нічога пра будучыню.

ЕРАМІІ 46:17

Назавіце імя фараона, цара Егіпецкага: Гармідар, які прапусціў час адпаведны.

МАЦЬВЕЯ 16:3

А раніцай: “Сёння навальніца, бо неба пахмурнела”. Крывадушнікі, Выгляд неба вытлумачыць вы ўмееце, а знакаў часу не можаце.