ЭКЛЕЗІЯСТА 1:13 - Кнігі Святога Пісання - Біблія - Біблія — пераклад Чарняўскага (выданне 2017 года)

¹³ І вырашыў у душы сваёй вышукваць і даследаваць мудра ўсё, што дзеецца пад сонцам. Гэты найцяжэйшы занятак даў Бог сынам чалавечым, каб займаліся ім.

Біблія (пераклад А.Бокуна)

¹³ І аддаў я сэрца маё, каб шукаць і дасьледаваць з мудрасьцю ўсё, што дзеецца пад небам. Гэты кепскі занятак даў Бог сынам чалавечым, каб былі занятыя ім.

Біблія (пераклад В. Сёмухі)

¹³ І паклаў я на сэрца помысел мой, каб шукаць і дасьледаваць мудрасьцю ўсё, што пад небам робіцца: гэты прыкры занятак даў Бог сынам чалавечым, каб кіраваліся ім.

ЭКЛЕЗІЯСТА 1:13 Крыжаваныя спасылкі

БЫЦЦЁ 3:19

У поце твару твайго будзеш есці хлеб, аж пакуль не вернешся ў зямлю, з якой ты ўзяты, бо ты пыл і ў пыл вернешся».

ЁВА 28:3

Усталяваў [чалавек] мяжу цемры, і даследуе ўсё сам да канца, нават камень змроку і ценю.

ПСАЛТЫР 111:2

ГІМЭЛЬ. Вялікія ёсць справы Госпадавы, ДАЛЕТ. вартыя вывучэння ўсімі, каму яны падабаюцца.

ВЫСЛОЎІ 18:1

Зручных выпадкаў шукае той, хто жадае пазбавіцца сябра; раздражняе яго ўсякая парада.

ВЫСЛОЎІ 18:15

Сэрца разважлівае будзе валодаць ведамі, і вуха мудрых шукае ведаў.

ВЫСЛОЎІ 23:26

Сыне мой, дай мне сваё сэрца, хай вочы твае зберагуць шляхі мае.

ВЫСЛОЎІ 25:2

Слава Божая — таіць слова, а слава цароў — даследаваць размову.

ВЫСЛОЎІ 4:7

Пачатак мудрасці: валодай мудрасцю і набывай разважлівасць ва ўсякай тваёй маёмасці.

ЭКЛЕЗІЯСТА 1:17

Аддаў я сэрца маё, каб спазнаць мудрасць і веды, неразумнасць і дурноту, і даведаўся я, што ў гэтым — таксама засмучанасць духа, менавіта таму

ЭКЛЕЗІЯСТА 11:5

Як не ведаеш, якая дарога ветру і якім чынам фармуюцца косці ва ўлонні цяжарнай, так не ведаеш спраў Божых, Які ёсць Творца ўсяго.

ЭКЛЕЗІЯСТА 12:12

А што па-за гэтым, сыне мой, таго не шукай: пісанню многіх кніг няма канца, а частыя разважанні — гэта турбаванне цела.

ЭКЛЕЗІЯСТА 2:23

Бо ўсе дні яго — пакуты, а праца яго — турбота, нават ноччу сэрца яго не адпачывае; і гэта таксама марнасць.

ЭКЛЕЗІЯСТА 2:26

Бо чалавеку добраму перад Ім дае Ён мудрасць, і веданне, і радасць; а грэшніку дае Ён турбаванне: збіраць і накопліваць, каб перадаць таму, які падабаецца Богу; але і гэта марнасць і турбаванне духа.

ЭКЛЕЗІЯСТА 3:10

Паглядзеў я на заняткі, якія даў Бог сынам чалавечым, каб займаліся імі.

ЭКЛЕЗІЯСТА 3:11

Усё добрае зрабіў Ён у свой час; і перадаў сусвет разважнасці іх, ды не спасцігне чалавек справы, якую ўчыніў Бог, ад пачатку да канца.

ЭКЛЕЗІЯСТА 4:4

Ізноў прыгледзеўся я да ўсіх намаганняў і да любога поспеху працы, і гэта — на зайздрасць бліжняму свайму. Таму і ў гэтым — марнасць і турбаванне духа.

ЭКЛЕЗІЯСТА 4:8

[чалавек] самотны і другога не мае, ані сына, ані брата, а ўсё ж такі не перастае працаваць, і вочы яго не насычаюцца багаццем і не думае ён, кажучы: «Для каго я працую і пазбаўляю душу маю даброт?» У гэтым таксама марнасць і найгоршы занятак.

ЭКЛЕЗІЯСТА 7:25

Разгледзеў я ўсё душой маёй, каб пазнаць, разгледзець і адшукаць мудрасць і розум і пераканацца, што бязбожнасць — гэта неразумнасць, а аблуда — безразважнасць.

ЭКЛЕЗІЯСТА 8:9

Усё гэта я абдумаў і аддаў сэрца маё ўсім справам, якія адбываюцца пад сонцам, у часе, калі чалавек пануе над чалавекам на сваё няшчасце.

1 ЦІМАФЕЯ 4:15

Аб гэтым думай, будзь у гэтым, каб поспех твой усім быў бачны.