СУДЗЬДЗЯЎ 21:21 - Кнігі Святога Пісання - Біблія - Біблія — пераклад Чарняўскага (выданне 2017 года)

²¹ і калі ўбачыце дзяўчат з Сіло, што выйшлі, каб вадзіць карагоды згодна звычаю, выходзьце хутка з вінаграднікаў і хапайце іх, кожны сабе жонку, і вядзіце ў зямлю Бэньяміна.

Біблія (пераклад А.Бокуна)

²¹ Калі ўбачыце дзяўчатаў з Шыло, якія выйшлі ў карагодах танчыць, выходзьце з вінаграднікаў і хапайце іх, кожны сабе жонку спасярод дочак Шыло, і вядзіце ў зямлю Бэн’яміна.

Біблія (пераклад В. Сёмухі)

²¹ і глядзеце, калі выйдуць дзяўчаты Сіломскія скакаць у карагодах: тады выйдзіце зь вінаграднікаў і схапеце сабе кожны жонку зь дзяўчат Сіломскіх і ідзеце ў зямлю Веньямінавую;

СУДЗЬДЗЯЎ 21:21 Крыжаваныя спасылкі

2 ЦАРСТВАЎ 6:14

і скакаў Давід з усёй сілы перад Госпадам. А быў апрануты Давід у льняны эфод.

2 ЦАРСТВАЎ 6:21

І сказаў Давід Міхол: «Перад Госпадам я скачу. Дабраславёны Госпад, Які выбраў мяне замест бацькі твайго і ўсяго дому яго, каб паставіць мяне кіраўніком над народам Госпада, над Ізраэлем! Перад Госпадам буду радавацца,

ПСАЛТЫР 149:3

Хай хваляць імя Яго ў хоры, з бубнам і цытрай спяваюць псальмы Яму,

ПСАЛТЫР 150:4

хваліце Яго бубнам і хорам, хваліце Яго на струнах і арганамі,

ВЫХАД 15:20

Дык сястра Аарона Мірыям-прарочыца, узяла тымпан у руку сваю; і ўсе жанчыны ішлі за ёю з тымпанамі і карагодамі;

ЭКЛЕЗІЯСТА 3:4

час плакаць і час смяяцца, час галасіць і час скакаць;

ЕРАМІІ 31:13

«Тады будзе радавацца дзяўчына ў карагодзе, і юнакі, і старыя ўсе разам. І замяню Я смутак іх на радасць, і пацешу іх, і ўзвесялю па іх пакутах.

МАЦЬВЕЯ 10:17

Сцеражыцеся людзей; бо павядуць вас на суды і ў сінагогах лупцаваць вас будуць.

ЛУКАША 17:25

Але трэба, каб Ён перш многа перацярпеў ды быў адкінуты гэтым пакаленнем.

СУДЗЬДЗЯЎ 11:34

Калі вярнуўся Яфтах у Міцпу, у дом свой, выбегла насустрач яму дачка яго адзіная з тымпанамі і скокамі: бо ён не меў апроч яе дзяцей.

СУДЗЬДЗЯЎ 21:20

І загадалі яны сынам Бэньяміна, і сказалі: «Ідзіце і схавайцеся ў вінаградніках;

1 ЦАРСТВАЎ 18:6

Затым, калі вярталіся ваяры, калі вяртаўся Давід, ударыўшы філістынца, выйшлі жанчыны з песнямі і танцамі насустрач цару Саўлу, з тымпанамі, і песнямі радаснымі, і з трашчоткамі.