РЫМЛЯНАЎ 4:1 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Дык што, скажам, здабыў наш бацька Абрагам паводле цела?

Біблія (пераклад А.Бокуна)

¹ Дык што, скажам, Абрагам, бацька наш, знайшоў паводле цела?

Біблія (пераклад В. Сёмухі)

¹ Што ж, скажам, Абрагам, бацька наш, набыў па плоці?

РЫМЛЯНАЎ 4:1 Крыжаваныя спасылкі

ІСАІ 51:2

Зважце на Абрагама, бацьку вашага, ды на Сару, якая нарадзіла вас, бо паклікаў Я яго аднаго, і дабраславіў яго, і павялічыў яго.

МАЦЬВЕЯ 3:9

і не жадайце сказаць у сабе: “Маем айца Абрагама”. Бо кажу вам, што Бог можа з гэтых камянёў падняць сыноў Абрагаму.

ЛУКАША 3:8

Чыніце належныя плады навяртання, і перастаньце хваліцца між сабой: “Маем бацьку Абрагама”; бо кажу вам, што Бог можа з гэтых камянёў падняць сыноў Абрагаму.

ЯНА 8:33

Адказалі Яму: «Мы – нашчадкі Абрагама, і мы ніколі нікому не служылі. Як жа Ты кажаш: “Будзеце свабодныя”?»

ЯНА 8:53

Няўжо Ты большы за бацьку нашага Абрагама, які памёр? Нават прарокі паўміралі. Кім Ты Сам Сябе робіш?»

ЯНА 8:56

Абрагам, бацька ваш, рад быў убачыць дзень Мой, і ўбачыў, і ўсцешыўся».

ДЗЕІ 13:26

Мужы браты, сыны роду Абрагама і тыя паміж вас, што баяцца Бога! Вам паслана слова збаўлення гэтага.

РЫМЛЯНАЎ 1:3

пра Сына Свайго, Які целам стаўся з семя Давіда

РЫМЛЯНАЎ 3:5

Калі ж наша несправядлівасць падкрэслівае Божую справядлівасць, дык што мы скажам? Ці Бог несправядлівы, калі выяўляе гнеў? – Кажу па-чалавечы.

РЫМЛЯНАЎ 4:16

Таму – па веры, каб з ласкі, каб абяцанне было надзейным для кожнага нашчадка, не толькі для таго аднаго, хто з закону, але і для таго, хто з веры Абрагама, – ён жа бацька ўсіх нас, –

РЫМЛЯНАЎ 6:1

Дык што скажам? Ці будзем трываць у граху, каб памнажалася ласка? Ніякім чынам!

РЫМЛЯНАЎ 7:7

Дык што скажам? Няўжо закон – грэх? Ніякім чынам! Але я спазнаў грэх не інакш, як праз закон, бо я не разумеў бы пажадлівасці, калі б закон не казаў: «Не пажадай».

РЫМЛЯНАЎ 8:31

Дык што на гэта скажам? Калі Бог за нас, дык хто супраць нас?

2 КАРЫНФЯНАЎ 11:22

Яны гебраі? Дык і я! Яны ізраэльцы? Дык і я! Яны семя Абрагама? Дык і я!

ГАБРЭЯЎ 12:9

Адсюль, калі мы мелі бацькоў цела нашага, якія нас каралі, і шанавалі іх, дык ці не шмат больш павінны мы падпарадкоўвацца Айцу духаў і жыць?