РЫМЛЯНАЎ 3:11 - Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ ніхто не разумее, ніхто не шукае Бога.

Біблія (пераклад А.Бокуна)

¹¹ няма таго, хто разумее; няма таго, хто шукае Бога.

Біблія (пераклад В. Сёмухі)

¹¹ няма, хто разумеў бы; няма, хто Бога шукаў бы;

РЫМЛЯНАЎ 3:11 Крыжаваныя спасылкі

ПСАЛТЫР 53:2

Неразумны кажа ў сэрцы сваім: «Няма Бога». Разбэсціліся яны і ўчынілі гнюсныя злачынствы; няма нікога, хто б чыніў дабро.

ЦІТА 3:3

Бо і мы былі калісьці неразумнымі і непаслухмянымі, заблукаўшымі, служыўшымі пажадлівасцям і ўсякім асалодам, кіраваліся злосцю і зайздрасцю, былі ненавіснікамі, ненавідзячымі адны адных.

АСІІ 4:6

Прападае народ Мой, таму што не мае навучання, бо ты адкінуў навучанне, і Я цябе адкіну ад Майго святарства, бо забыўся ты пра закон Бога твайго, дык і Я забудуся пра дзяцей тваіх.

РЫМЛЯНАЎ 8:7

бо задумы цела варожыя Богу, таму што не скараюцца закону Божаму, дый не могуць.

ЕРАМІІ 4:22

“Бо неразумны народ Мой, не ведаюць Мяне; сыны дурныя і безразважныя; мудрыя, каб чыніць ліхоцце, але добрага рабіць не ўмеюць”.

ІСАІ 65:1

«Мяне знайшлі тыя, што не шукалі Мяне; адшукалі Мяне тыя, якія не пыталіся пра Мяне. Я сказаў: “Вось жа Я, вось жа Я!” да народа, які не прызываў імя Маё.

ІСАІ 55:6

Шукайце Госпада, пакуль можна знайсці, прызывайце Яго, пакуль блізка!

ІСАІ 31:1

Гора тым, якія сыходзяць у Егіпет за дапамогай, спадзеючыся на коней, маючы надзею на павозкі, што іх многа, ды на коннікаў, што яны вельмі магутныя, ды не зважаюць на Святога Ізраэлева і Госпада не шукаюць.

1 ЯНА 5:20

Ведаем таксама, што Сын Божы прыйшоў і абдарыў нас розумам, каб мы пазналі Таго, Хто праўдзівы; і мы ў Тым, Хто праўдзівы, у Сыне Яго Ісусе Хрысце. Ён праўдзівы Бог і Жыццё вечнае.

РЫМЛЯНАЎ 1:28

А таму, што не імкнуліся пазнаць Бога, аддаў іх Бог бязглуздаму розуму, каб рабілі тое, што не належыцца,

РЫМЛЯНАЎ 1:22

Кажучы аб сабе, што яны мудрыя, сталіся дурнымі,

МАЦЬВЕЯ 13:19

Да кожнага, хто слухае слова пра Валадарства і не разумее, прыходзіць ліхі і выкрадае тое, што пасеяна ў сэрцы яго. Гэта той, у якога пры дарозе пасеяна.

АСІІ 7:10

Пыха Ізраэля сведчыць сама за сябе, але яны не навярнуліся да Госпада, Бога свайго, і ва ўсім гэтым не шукалі Яго.

ІСАІ 27:11

Галіны яго, павысыхаўшы, адломяцца, прыдуць жанчыны і папаляць іх. Бо гэты народ неразумны, таму не пашкадуе яго Той, Хто стварыў яго, і Хто ўфармаваў яго, не пашкадуе яго.

ІСАІ 9:13

І народ не павярнуўся да Таго, Хто б’е яго, не пачалі яны шукаць Госпада Магуццяў.

ВЫСЛОЎІ 1:22

«Дакуль жа, невукі, будзеце любіць невуцтва, а насмешнікі — жадаць для сябе высмейвання, і недасведчаныя — ненавідзець навукі?

ВЫСЛОЎІ 1:7

Шанаванне Госпада ёсць аснова ведаў. Мудрасці і навучання адцураюцца бязглуздыя.

ПСАЛТЫР 94:8

Зразумейце, неразумныя ў народзе, бязглуздыя, калі паразумнееце?

ПСАЛТЫР 53:4

Усе адвярнуліся, як адзін, разбэсціліся, няма нікога, хто б чыніў дабро, няма аніводнага.

РЫМЛЯНАЎ 3:10

як напісана: «Нікога няма справядлівага,

РЫМЛЯНАЎ 3:12

Усе збочылі, усе разам сталіся нягоднымі. Няма, хто б чыніў дабро, няма аніводнага.