РЫМЛЯНАЎ 10:1 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Браты! Жаданне сэрца майго ды гарачае маленне да Бога аб Ізраэлі дзеля збаўлення.

Біблія (пераклад А.Бокуна)

¹ Браты! Упадабаньне сэрца майго і просьба да Бога пра Ізраіль на збаўленьне.

Біблія (пераклад В. Сёмухі)

¹ Браты! упадабаньне майго сэрца і малітва да Бога за Ізраіля на збавеньне.

РЫМЛЯНАЎ 10:1 Крыжаваныя спасылкі

ВЫХАД 32:10

пакінь Мяне, каб разгарэлася абурэнне Маё супраць іх і каб Я знішчыў іх, а з цябе Я зраблю вялікі народ».

ВЫХАД 32:13

Памятай Абрагама, Ізаака і Ізраэля, слуг Тваіх, якім пакляўся Ты Самім Сабою, кажучы: “Памножу семя вашае, як зоркі на небе, і ўсю гэтую зямлю, пра якую Я сказаў, дам семю вашаму; і завалодаеце ёю назаўсёды”».

ЕРАМІІ 17:16

Я не спяшаўся быць пастарам у Цябе і не прагнуў дня знішчэння, Ты ведаеш: усё, што выйшла з вуснаў маіх, не было схавана перад Табою.

ЕРАМІІ 18:20

Ці ж ліхам адгаджаецца за дабро? А яны выкапалі яму для душы маёй! Узгадай, як я стаяў перад Табою, каб прасіць дабра для іх ды каб адвярнуць гнеў Твой ад іх.

ЛУКАША 13:34

Ерузалім, Ерузалім, які забіваеш прарокаў і камянуеш тых, што да цябе пасланы, колькі разоў хацеў Я сабраць сыноў тваіх, як птушка птушанят сваіх пад крылы, але вы не захацелі.

ЯНА 5:34

але Я не ад чалавека прымаю сведчанне, а кажу гэта, каб вы былі збаўлены.

РЫМЛЯНАЎ 10:2

Сведчу я ім, што рупяцца яны пра Бога, але не паводле розуму.

РЫМЛЯНАЎ 9:33

як напісана: «Вось жа, кладу на Сіёне камень спатыкнення і камень згаршэння. І ўсякі, хто верыць у Яго, не будзе асаромлены».

1 ЦАРСТВАЎ 12:23

Хай жа не будзе ў мяне гэтага граху перад Госпадам, каб кінуць маліцца за вас і вучыць вас добрай і простай дарозе.

1 ЦАРСТВАЎ 15:11

«Шкадую, што Я паставіў Саўла царом, бо адступіўся ён ад Мяне і не спаўняе словы Мае». І засмуціўся Самуэль, і ўсю ноч маліўся да Госпада.

1 ЦАРСТВАЎ 15:35

І ад гэтага часу Самуэль не бачыў больш Саўла аж да дня сваёй смерці; і Самуэль сумаваў дзеля Саўла, бо Госпад шкадаваў, што паставіў Саўла царом над Ізраэлем.