РУТ 4:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ і хай ён будзе суцяшэннем для душы тваёй і карміцелем у старасці; бо нарадзіла яго нявестка твая, якая любіць цябе і якая для цябе значна больш дарагая, чым сем сыноў».

Біблія (пераклад А.Бокуна)

¹⁵ І будзе ён пацяшэньнем для душы і забесьпячэньнем старасьці тваёй. Бо нявестка твая, якая любіць цябе, нарадзіла яго, тая, што лепшая для цябе за сем сыноў».

Біблія (пераклад В. Сёмухі)

¹⁵ ён будзе радасьцю і кармільцам у старасьці тваёй, бо яго нарадзіла нявестка твая, якая любіць цябе, якая табе лепей за семярых сыноў.

РУТ 4:15 Крыжаваныя спасылкі

БЫЦЦЁ 45:11

Там буду цябе карміць, бо застаецца яшчэ пяць гадоў голаду, каб не прапаў і ты, і дом твой ды ўсё, што маеш”.

БЫЦЦЁ 47:12

і карміў ён іх ды ўвесь дом бацькі свайго, забяспечваючы харчамі кожнага.

ПСАЛТЫР 55:22

Вусны яго лягчэйшыя за масла, а ў сэрцы іх — вайна, прамовы яго пяшчотнейшыя за алей, але яны — голыя мячы.

ВЫСЛОЎІ 18:24

Чалавек можа быць паранены сябрамі, але ёсць сябар, які бліжэй за брата.

ІСАІ 46:4

Я — Той Самы аж да старасці, ды аж да сівізны буду падтрымліваць вас. Я стварыў, і Я вазьму, Я панясу і збаўлю.

РУТ 4:16

І Наомі абняла ўзятае на рукі дзіця і была для яго нянькаю.

1 ЦАРСТВАЎ 1:8

Дык сказаў ёй Элькана, муж яе: «Ганна, чаму ты плачаш і чаму не ясі? І чаму сумуе сэрца тваё? Ці ж я табе не мілейшы, чым дзесяць сыноў?»

1 ЦАРСТВАЎ 2:5

Раней сытыя наймаюцца за хлеб, а галодныя больш не жывуць у нястачы. Бясплодная нараджае шмат разоў, а тая, што мела многа сыноў, — завяла.