ПСАЛТЫР 94:10 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁰ Ці ж Той, Хто спасцігае народы, не выкрые, Той, Хто вучыць чалавека разуменню?

Біблія (пераклад А.Бокуна)

¹⁰ Ці ж Той, Які навучае народы, ня будзе караць, Той, Які вучыць чалавека ведам?

Біблія (пераклад В. Сёмухі)

¹⁰ Сорак гадоў раздражняў Мяне род гэты, Я сказаў: гэта народ, які заблудзіўся сэрцам; яны не спазналі дарог Маіх;

ПСАЛТЫР 94:10 Крыжаваныя спасылкі

ЁВА 28:28

І сказаў Ён чалавеку: “Вось, страх Госпадаў — гэта і ёсць мудрасць; а пазбягаць зла — гэта розум”».

ЁВА 34:29

Бо калі Ён будзе ў супакоі, хто асудзіць; а калі Ён схавае аблічча Сваё, хто можа Яго ўбачыць? Будзе гэта для народа і для аднаго чалавека;

ЁВА 35:11

Які вучыць нас болей за зямных жывёл, і больш за птушак паднебных дае нам мудрасць?”

ПСАЛТЫР 10:16

Госпад — валадар навечна і на вечныя вякі: знікнуць пагане з зямлі Яго.

ПСАЛТЫР 119:66

Дабрачыннасці, разважнасці і веданню навучы мяне, бо паверыў я загадам Тваім.

ПСАЛТЫР 149:7

каб учыніць помсту над паганамі, пакаранне над народамі,

ПСАЛТЫР 44:2

Божа, на свае вушы мы пачулі; нашы бацькі нам расказалі пра справу, якую ўчыніў Ты ў дні іх, у дні даўнейшыя.

ПСАЛТЫР 9:5

Бо ўчыніў Ты суд мой і справу маю; сеў Ты на пасадзе, Суддзя справядлівы.

ВЫСЛОЎІ 2:6

бо Госпад дае мудрасць, і з вуснаў Яго — веды і разважлівасць.

ІСАІ 10:12

І будзе: калі Госпад споўніць усе справы Свае на гары Сіён і ў Ерузаліме, тады прыйду Я паглядзець на плод пыхі сэрца цара Асірыі і на ганарыстасць узнёсласці вачэй яго.

ІСАІ 2:3

І пойдзе шмат людзей, і скажуць яны: «Ідзіце, і ўзыдзем на гару Госпадаву і ў дом Бога Якубава, і хай навучыць Ён нас дарогам Сваім, і будзем хадзіць па сцежках Яго; бо з Сіёна выйдзе закон і слова Госпадава з Ерузаліма».

ІСАІ 28:26

Бо правільна настаўляюць яго, Сам Бог яго вучыць яго.

ІСАІ 37:36

І выйшаў анёл Госпадаў, і забіў у лагеры асірыйцаў сто восемдзесят пяць тысяч; і абудзіліся раніцай, і вось, усе яны — мёртвыя трупы.

ІСАІ 54:13

Твае дзеці будуць усе вучнямі Госпада, і вялікая згода будзе ў дзяцей тваіх;

ЕРАМІІ 10:25

Вылі гнеў Свой на народы, якія не прызнаюць Цябе, і на плямёны, якія не прызываюць імя Твайго, бо праглынулі яны Якуба і з’елі яго, і спустошылі выганы яго».

ЕЗЭКІІЛЯ 39:21

І пакладу Маю славу сярод паганаў, ды ўсе пагане ўбачаць Мой суд, які правяду, і таксама руку Маю, якую на іх пакладу.

АМОСА 3:2

“Толькі вас прызнаў Я з усіх родаў зямлі, дзеля таго пакараю вас за ўсе правіны вашы.

АБАКУМА 1:12

Ці ж не Ты спрадвеку, Госпадзе, Божа мой, Святы мой, Які не памрэш? Госпадзе, Ты на суд прызначыў яго; Скала мая, Ты на пакаранне паставіў яго.

АБАКУМА 3:12

Разгневаны, будзеш таптаць зямлю, у абурэнні знішчыш народы.

ЯНА 6:45

Напісана ў прарокаў: “Будуць усе навучаны Богам”. Кожны, хто пачуў ад Айца і навучыўся, прыходзіць да Мяне.