ПСАЛТЫР 9:14 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ ГЭТ. Злітуйся нада мной, Госпадзе, паглядзі на прыгнёт мой ад ворагаў маіх, — Ты ўзносіш мяне ад брамы смерці,

Біблія (пераклад А.Бокуна)

¹⁴ Зьлітуйся нада мною, ГОСПАДЗЕ! Глянь на пакуты мае ад тых, якія ненавідзяць мяне, Ты, Які падымаеш мяне ад брамы сьмерці,

Біблія (пераклад В. Сёмухі)

¹⁴ Умілажалься зь мяне, Госпадзе; глянь на цярпеньні мае ад ненавісьнікаў маіх, - Ты, Які ўзносіш мяне над брамаю сьмерці,

ПСАЛТЫР 9:14 Крыжаваныя спасылкі

ПСАЛТЫР 13:5

каб не сказаў калі вораг мой: «Я адолеў яго!»; хай не радуюцца тыя, што пераследы мне робяць, калі я пахіснуся.

ПСАЛТЫР 106:2

Хто раскажа пра магутнасці Госпада, хто дасць пачуць усе хвалы Яго?

ПСАЛТЫР 51:12

Сэрца чыстае ствары ўва мне, Божа, і моцны дух аднаві ва ўлонні маім.

ПСАЛТЫР 35:9

Душа ж мая будзе радавацца ў Госпадзе і цешыцца з Яго збавення.

ПСАЛТЫР 20:5

Хай аддасць табе паводле сэрца твайго і кожную задуму тваю выканае.

ІСАІ 37:22

гэта вось слова, якое сказаў Госпад наконт яго: “Брыдзіцца табою, кпіць з цябе дзева, дачка Сіёна: за табою ківае галавой дачка Ерузаліма.

ПСАЛТЫР 21:1

Кіраўніку хору. Псальм Давідаў.

1 ЦАРСТВАЎ 2:1

І Ганна малілася і казала: «Радуецца сэрца маё ў Госпадзе, узняўся рог мой у Богу маім; адкрыліся вусны мае супраць ворагаў маіх, бо ўзвесялілася я ў збаўленні Тваім.

ЛУКАША 1:47

і ўзрадаваўся дух Мой у Богу, Збаўцы Маім,

АБАКУМА 3:18

я, аднак, буду цешыцца ў Госпадзе і буду радавацца ў Богу, Збаўцы маім.

МІХЕЯ 4:13

Устань і малаці, дачка Сіёна! Бо рог твой зраблю з жалеза, і капыты твае зраблю з медзі, і скрышыш ты многія народы, і прысвяціш Госпаду набыткі іх, і багацці іх Госпаду ўсяе зямлі аддасі.

ІСАІ 62:11

Вось што даў Госпад пачуць на граніцах зямлі: «Скажыце дачцы сіёнскай: “Вось жа, прыходзіць збаўленне тваё, вось плата Яго разам з Ім і ўзнагарода Яго перад ёю”».

ІСАІ 12:3

Вы ж з радасцю чэрпаць будзеце ваду з крыніц збаўлення.

ПСАЛТЫР 79:13

Мы ж, Твой народ і авечкі Тваёй пашы, вызнаваць будзем Цябе век, з пакалення ў пакаленне будзем апавяшчаць Тваю хвалу.

ПСАЛТЫР 51:15

Буду вучыць я збачэнцаў з Тваіх дарог, і тады бязбожнікі вернуцца да Цябе.

ПСАЛТЫР 42:4

Сталі хлебам слёзы мае днём і ноччу, калі кажуць мне штодня: «Дзе ж Бог твой?»

ПСАЛТЫР 35:18

Вызнаваць Цябе буду на вялікім сходзе, пры мностве людзей хваліць Цябе буду.

ПСАЛТЫР 22:25

Бо Ён не пагарджаў і не брыдзіўся жальбаю ўбогага і не адвярнуў аблічча Свайго ад яго, а калі той звяртаўся да Яго, выслухаў яго.

ПСАЛТЫР 22:22

Абарані мяне ад пашчы льва, а пакорлівасць маю — ад рагоў адзінарога.

ВЫХАД 3:7

Сказаў яму Госпад: «Убачыў Я смутак народа Майго ў Егіпце і пачуў лямант яго ад бязлітаснасці наглядчыкаў яго.

ВЫХАД 3:9

Вось, крык сыноў Ізраэля дайшоў да Мяне, і ўбачыў Я смутак іх, як прыгнятаюцца яны егіпцянамі;

ПСАЛТЫР 6:3

Пашкадуй мяне, Божа, бо я кволы; ацалі мяне, Божа, бо трасуцца косці мае.

ПСАЛТЫР 75:9

Бо ў руцэ Госпада — келіх чыстага віна, поўны сумесі. І Ён пераліў з аднаго ў другое; і ўсё ж будуць выпіваць аж да асадку, будуць піць усе грэшнікі зямлі.