ПСАЛТЫР 89:2 - Кнігі Святога Пісання - Біблія - Біблія — пераклад Чарняўскага (выданне 2017 года)

² Міласэрнасць Госпада вечна буду апяваць, з пакалення ў пакаленне абвяшчаць буду праўду Тваю вуснамі маімі.

Біблія (пераклад А.Бокуна)

² Пра міласэрнасьць ГОСПАДА буду сьпяваць вечна; з пакаленьня ў пакаленьне буду апавядаць пра вернасьць Тваю вуснамі маімі.

Біблія (пераклад В. Сёмухі)

² Госпадзе! Ты нам прыстанішча з роду ў род.

ПСАЛТЫР 89:2 Крыжаваныя спасылкі

НЭЭМІІ 1:5

І казаў я: «Прашу Цябе, Госпадзе, Божа Нябесны, Божа магутны і вельмі страшны, Які пільнуе запавет і аказвае міласэрнасць тым, хто любіць Цябе ды захоўвае Твае прыказанні;

НЭЭМІІ 9:17

І не захацелі яны слухаць, і не памяталі цудаў Тваіх, якія чыніў Ты ім, і зацвярдзелі каркі іх, і нахілілі галаву сваю, каб вярнуцца ў Егіпет, у сваю няволю. Але Ты — Бог ласкавы, спагадлівы і міласэрны, цярплівы ды вялікай літасці, Ты не адвярнуўся ад іх.

НЭЭМІІ 9:31

Але ў міласэрнасці найвялікшай Сваёй не вынішчыў іх і не пакінуў Ты іх; бо Ты — Бог міласэрны і міласцівы.

ПСАЛТЫР 103:17

А міласэрнасць жа Госпадава спрадвеку па век над тымі, што шануюць Яго, а справядлівасць Яго — для сыноў сынавых.

ПСАЛТЫР 119:89

ЛАМЕД. Навечна, Госпадзе, слова Тваё ўсталявана на небе.

ПСАЛТЫР 146:6

Які стварыў неба і зямлю, і мора ды ўсё, што ў іх ёсць; Які пільнуецца праўды вечна,

ПСАЛТЫР 36:5

Задумаў ён несправядлівасць у пасцелі сваёй, узыходзіць на любую благую дарогу, да ліхога не адчувае нянавісці.

ПСАЛТЫР 40:11

Справядлівасці Тваёй не хаваў я ў сэрцы маім, расказаў пра праўду Тваю і збавенне Тваё. Не хаваў я міласэрнасці Тваёй і праўды Тваёй у вялікай святыні.

ПСАЛТЫР 42:1

Кіраўніку хору. Маскіль. Сыноў Корэ.

ПСАЛТЫР 89:37

Патомства яго будзе трываць вечна, а пасад яго на віду ў Мяне, як сонца

ПСАЛТЫР 89:5

«Навечна зацверджу Я патомства Тваё і збудую сталец Твой з пакалення ў пакаленне».

ЛІКІ 23:19

Бог — гэта не чалавек, каб падманваць, і не як сын чалавечы, каб памыляцца. Ці ж Ён скажа і не здзейсніць?

МАЦЬВЕЯ 24:35

Неба і зямля сыдуць, але слова Маё не праміне.

ЛУКАША 1:50

і міласэрнасць Яго з пакалення ў пакаленне тым, што баяцца Яго.

ГАБРЭЯЎ 6:18

каб праз дзве нязменныя рэчы, у якіх немагчыма, каб Бог казаў няпраўду, мелі мы моцную ўцеху, мы, што збягаемся, каб узяць дадзеную нам надзею,