ПСАЛТЫР 82:5 - Кнігі Святога Пісання - Біблія - Біблія — пераклад Чарняўскага (выданне 2017 года)

⁵ Яны не ведаюць, не разумеюць, ходзяць у цемры; захістаюцца ўсе асновы зямныя.

Біблія (пераклад А.Бокуна)

⁵ Нічога ня ведаюць і не разумеюць, і ў цемры ходзяць; і захісталіся ўсе падваліны зямлі!

Біблія (пераклад В. Сёмухі)

⁵ сказалі: «пойдзем і вынішчым іх з народаў, каб і ня згадвалася болей імя Ізраіля».

ПСАЛТЫР 82:5 Крыжаваныя спасылкі

ПСАЛТЫР 11:3

Калі разбураныя падмуркі, што зробіць справядлівы?

МІХЕЯ 3:1

І сказаў я: «Слухайце, князі Якуба і правадыры дому Ізраэля: ці ж не ваш абавязак ведаць закон?

РЫМЛЯНАЎ 1:28

А таму, што не імкнуліся пазнаць Бога, аддаў іх Бог бязглуздаму розуму, каб рабілі тое, што не належыцца,

ВЫСЛОЎІ 2:13

[пазбавіць ад тых,] хто пакідае дарогу простую, каб хадзіць па цёмных дарогах,

1 ЯНА 2:11

А хто брата свайго ненавідзіць, той у цемры і ходзіць у цемры, і не ведае, куды ідзе, бо цемра засляпіла вочы яго.

ЯНА 12:35

Сказаў ім тады Ісус: «Яшчэ толькі кароткі час будзе святло сярод вас; хадзіце, пакуль маеце святло, каб вас цемра не агарнула; бо, хто ў цемры ходзіць, не ведае, куды ідзе.

ВЫСЛОЎІ 1:29

З-за таго, што настаўленне ненавідзелі і не выбралі страх Госпадаў,

ПСАЛТЫР 14:4

Няўжо не паразумнеюць усе, што чыняць беззаконне, што з’ядаюць народ мой, быццам хлеб ядуць? Госпада яны не прызываюць,

2 ЦІМАФЕЯ 2:19

Але цвёрды падмурак Божы стаіць, маючы такую пячатку: «Пазнаў Госпад, хто ёсць Яго», і «Хай аддаліцца ад нягоднасці кожны, хто вызнае імя Госпада».

ЯНА 3:19

А вось што такое суд: Святло прыйшло ў свет, але людзі ўзлюбілі цемру болей за святло, бо ліхімі былі іх учынкі.

ІСАІ 59:9

Таму аддалілася ад нас законнасць і не даходзіць да нас правасуддзе; чакаем святла, і, вось, цемра, яснасці, а ходзім у тумане.

ІСАІ 5:7

Вось жа, вінаграднік Госпада Магуццяў — гэта дом Ізраэля, а мужчыны Юды — гэта патомства яго выбранае. Спадзяваўся Я, што будзе ён спаўняць закон, а вось — беззаконне, чакаў справядлівасці, а вось жа — няправасць.

ПСАЛТЫР 53:4

Усе адвярнуліся, як адзін, разбэсціліся, няма нікога, хто б чыніў дабро, няма аніводнага.

ЭКЛЕЗІЯСТА 3:16

І яшчэ ўбачыў я пад сонцам: на месцы суда там бязбожнасць, і на месцы справядлівасці там несправядлівасць;

ЭКЛЕЗІЯСТА 2:14

«Мудры мае вочы ў галаве сваёй, а дурны ходзіць у цемры»; і пазнаў я, што адзін і той самы канец у кожнага.

ВЫСЛОЎІ 4:19

Шлях бязбожнікаў — цёмны, і не ведаюць яны, дзе зваляцца.

ПСАЛТЫР 75:3

Калі ўстанаўлю час, буду судзіць Я па справядлівасці.

ЁВА 8:9

Мы — учарашнія і нічога не ведаем, бо дні нашыя на зямлі, быццам цень.

ПСАЛТЫР 99:1

Госпад валадарыць — трымцяць народы, сядзіць Ён на херубінах, — трасецца зямля.