ПСАЛТЫР 79:5 - Кнігі Святога Пісання - Біблія - Біблія — пераклад Чарняўскага (выданне 2017 года)

⁵ Дакуль жа, Госпадзе? Ці вечна будзеш гневацца? Няўжо ўспыхне, як агонь, рэўнасць Твая?

Біблія (пераклад А.Бокуна)

⁵ Як доўга, ГОСПАДЗЕ? Ці будзеш гневацца заўсёды? Ці як агонь будзе палаць рэўнасьць Твая?

Біблія (пераклад В. Сёмухі)

⁵ Госпадзе, Божа сіл! дакуль будзеш гнеўны да малітваў народу Твайго?

ПСАЛТЫР 79:5 Крыжаваныя спасылкі

ПСАЛТЫР 89:46

Скараціў Ты дні яго маладосці, пакрыў яго няславай.

ПСАЛТЫР 85:5

Навярні нас, Божа, збаўленне наша, і адвядзі гнеў Твой ад нас.

ПСАЛТЫР 74:1

Маскіль. Асафа. Чаму, Божа, Ты адпіхнуў нас да скону, няўжо ўзгарэўся гнеў Твой на авечак пашы Тваёй?

САФОНА 3:8

“Таму чакай Мяне, — кажа Госпад, — у дзень, калі паўстану як сведка; бо вырашыў Я сабраць усе народы і склікаць царствы, каб выліць на іх лютасць Маю, увесь гнеў абурэння Свайго, бо агнём руплівасці Маёй будзе спалена ўся зямля.

ДРУГІ ЗАКОН 29:20

Госпад не даруе яму, але тады тым больш узгарыцца гнеў Яго і лютасць супраць таго чалавека, і прыйдуць на яго ўсе праклёны, якія запісаны ў гэтым скрутку, і вынішчыць Госпад імя яго з-пад неба,

ЕЗЭКІІЛЯ 36:5

дзеля таго гэта кажа Госпад Бог: “У агні абурэння Майго гаварыў Я супраць астатніх народаў і супраць усёй Ідумеі, якія дзялілі Маю зямлю сабе ў спадчыну з радасцю, і ад усяго сэрца, і з ліхой душою, каб пашы яе былі ім на здабычу”.

ПСАЛТЫР 80:4

Божа, навярні нас, прасвятлі аблічча Тваё, і мы будзем збаўлены.

АДКРЫЦЦЁ 6:10

І гаманілі яны гучным голасам, кажучы: «Госпадзе, святы і справядлівы, як доўга будзеш марудзіць з судом і помстай за нашу кроў над жыхарамі зямлі?»

САФОНА 1:18

Ані срэбра іх, ані золата іх не зможа вызваліць іх у дзень гневу Госпадавага; агонь руплівасці Яго спаліць усю зямлю, бо даканае Ён знішчэнне, знішчэнне раптоўнае ўсіх жыхароў зямлі.

МІХЕЯ 7:18

Які Бог падобны да Цябе, Які прабачае правіннасць і не абвінавачвае ў злачынстве астатак спадчыны Сваёй? Не трывае Ён навекі ў абурэнні Сваім, бо спагадны ў міласэрнасці Сваёй.

ІСАІ 64:9

Не гневайся залішне, Госпадзе, і не май больш у памяці правіннасці. Глянь, вось, мы ўсе — народ Твой!

ПСАЛТЫР 103:9

Не бясконца Ён сварыцца ды не вечна будзе гневацца.

ДРУГІ ЗАКОН 32:22

Узгарэўся агонь раз’ятранасці Маёй і будзе гарэць аж да найглыбейшага пекла, і спаліць зямлю з расліннасцю яе, і спапяліць падваліны гор.

ДРУГІ ЗАКОН 32:16

І правакавалі яны Яго багамі чужымі, ды брыдотамі прынукалі да гневу.

ПСАЛТЫР 6:4

І душа мая надта ўстрывожана, а Ты, Госпадзе, дакуль жа?

ПСАЛТЫР 80:5

Госпадзе Божа магуццяў, як доўга будзеш гневацца на малітву народа Твайго?

ПСАЛТЫР 89:47

Як доўга, Госпадзе, ці вечна будзеш хавацца? [Як доўга,] быццам агонь, будзе палымнець Твой гнеў?

ПЛАЧ 5:22

Ці ж назаўсёды нас адпіхаеш? Ці так ужо моцна на нас злуешся?»

ЗАХАРЫІ 1:12

І сказаў анёл Госпадаў гэтыя словы: “Госпадзе Магуццяў, як доўга яшчэ Ты не злітуешся над Ерузалімам і гарадамі Юды, на якія загневаўся? Гэта сямідзесяты год”.