ПСАЛТЫР 78:8 - Кнігі Святога Пісання - Біблія - Біблія — пераклад Чарняўскага (выданне 2017 года)

⁸ Хай не стануцца яны, як продкі іх, пакаленне непакорлівае і няўрымслівае; пакаленне, якое не ўмацавала сэрца свайго і не быў верны Богу дух яго.

Біблія (пераклад А.Бокуна)

⁸ і ня будуць падобныя да бацькоў сваіх, пакаленьня бунтаўнікоў і непакорных, пакаленьня, якое нетрывалае ў сэрцы сваім і дух іхні няверны Богу.

Біблія (пераклад В. Сёмухі)

⁸ Не спамяні нам грахоў нашых продкаў; хай неўзабаве запабегнуць нас шчадроты Твае; бо мы зусім аслаблі.

ПСАЛТЫР 78:8 Крыжаваныя спасылкі

ПСАЛТЫР 78:37

Бо сэрца іх не было праўдзівым з Ім, і не былі яны вернымі ў запавеце Яго.

ВЫХАД 32:9

Таксама сказаў Госпад Майсею: «Бачу, што народ гэты — цвёрдага карка;

ЕЗЭКІІЛЯ 20:18

Сказаў жа Я сынам іх у пустыні: “Не хадзіце паводле пастаноў бацькоў вашых, і не пільнуйце іх загады, ды не апаганьвайцеся ідаламі іх.

4 ЦАРСТВАЎ 17:14

Яны не паслухалі, але цвёрдым зрабілі карак свой, як карак бацькоў іх, якія не захацелі верыць Госпаду, Богу свайму.

ДРУГІ ЗАКОН 31:27

Я вось знаю ўпартасць тваю і вельмі цвёрды твой карак. Вось і зараз, калі жыву з вамі, заўсёды вы былі ўпартыя адносна Госпада, а тым больш па смерці маёй.

ДЗЕІ 7:51

Людзі з цвёрдым каркам, неабрэзанымі сэрцамі і вушамі! Вы заўсёды супрацівіцеся Духу Святому, як бацькі вашы, так і вы!

ЕЗЭКІІЛЯ 20:8

І ўзбунтаваліся яны, і не захацелі Мяне слухаць; не адкінуў ніхто агіднасці з вачэй сваіх, і не пакінулі ідалаў егіпецкіх. І вырашыў Я выліць гнеў Свой на іх ды спагнаць абурэнне Сваё на іх у зямлі Егіпта.

2 ЛЕТАПІСАЎ 30:7

Не будзьце падобнымі да бацькоў сваіх і братоў, якія адвярнуліся ад Госпада, Бога бацькоў сваіх, і Ён аддаў іх на загубу, як самі бачыце.

ДРУГІ ЗАКОН 9:24

Вы заўсёды працівіліся Госпаду, ад дня, як пачаў я вас ведаць.

ДРУГІ ЗАКОН 9:13

І зноў сказаў Госпад мне: “Бачу, што гэты народ ёсць цвёрдага карку,

ВЫХАД 33:5

І сказаў Госпад Майсею: «Скажы сынам Ізраэля: “Вы — народ цвёрдага карка; калі Я на адзін міг з’яўлюся ў грамадзе тваёй, Я вынішчу цябе. Зараз жа здымі аздабленне сваё, каб Я ведаў, што маю зрабіць з табою”».

ВЫХАД 33:3

і ўвойдзеш ты ў зямлю, што ацякае малаком і мёдам. Але Я Сам не пайду з табой, каб часам не знішчыць цябе па дарозе, бо ты — народ цвёрдага карка».

ДЗЕІ 11:23

Калі ён прыбыў і ўбачыў дзеянне ласкі Божай, усцешыўся ды заахвочваў усіх, каб усім сэрцам трывалі ў Госпадзе.

ІСАІ 30:9

Бо народ — бунтаўнічы, ды сыны — лгуны, сыны, якія не хочуць слухаць закон Госпада.

ПСАЛТЫР 106:7

Нашы бацькі ў Егіпце не зразумелі Тваіх цудаў, не помнілі вялікай міласэрнасці Тваёй і злосна кпілі, выходзячы ў мора, мора Чырвонае,

ПСАЛТЫР 68:6

бацька сірот і суддзя ўдоў, Бог у доме Сваім святым.

ЁВА 11:13

Ты ж, калі сэрца сваё ўмацуеш і да Яго ўзнімеш свае рукі,

2 ЛЕТАПІСАЎ 30:19

прабач усім, хто накіраваў сэрца сваё, каб шукаць Госпада, Бога сваіх бацькоў, хоць без ачышчэння свяцілішча».

2 ЛЕТАПІСАЎ 20:33

Аднак узгоркі не былі выдалены; дасюль народ не накіраваў свайго сэрца да Бога бацькоў сваіх.

2 ЛЕТАПІСАЎ 19:3

але абараняюць цябе добрыя ўчынкі твае, бо ты выдаліў слупы з зямлі і падрыхтаваў сэрца сваё, каб шукаць Бога».

2 ЛЕТАПІСАЎ 12:14

Дапусціўся ж зла ды не падрыхтаваў свайго сэрца, каб звярнуцца да Госпада.

ДРУГІ ЗАКОН 4:4

А вы ўсе, якія засталіся вернымі Госпаду, Богу вашаму, жывеце аж па сённяшні дзень.

ВЫХАД 34:9

«Калі я знайшоў ласку перад абліччам Тваім, Госпадзе, малю, каб Ты пайшоў з намі; народ, што праўда, цвёрдага карка, але Ты прабач правіннасці нашыя і грахі і зрабі нас Сваёй спадчынай».

ІСУСА 22:15

Яны прыбылі да сыноў Рубэна і Гада, і паловы пакалення Манасы ў зямлю Галаад і сказалі ім:

1 ЦАРСТВАЎ 8:8

Паводле ўсіх спраў сваіх, якія рабілі яны з таго дня, як Я вывеў іх з Егіпта, аж да сённяшняга дня, калі пакінулі Мяне і пачалі служыць багам чужым, таксама так робяць і табе.

ПСАЛТЫР 78:40

Колькі разоў раздражнялі Яго ў пустыні, да гневу ўзбуджалі Яго ў бязводдзі!

ПСАЛТЫР 78:56

Ды спакушалі і раздражнялі яны Бога Узвышняга і сведчанняў Яго не захоўвалі.