ПСАЛТЫР 77:3 - Кнігі Святога Пісання - Біблія - Біблія — пераклад Чарняўскага (выданне 2017 года)

³ У дзень бяды маёй шукаў я Бога, рукі мае ўначы працягнуты і не стамляюцца. Не захацела суцешыцца душа мая;

Біблія (пераклад А.Бокуна)

³ У дзень трывогі маёй шукаю я Госпада; уначы рука мая працягнутая і не зьнемагаецца; адмаўляецца ад пацяшэньня душа мая.

Біблія (пераклад В. Сёмухі)

³ Што чулі мы і даведаліся і бацькі нашы нам пераказалі,

ПСАЛТЫР 77:3 Крыжаваныя спасылкі

БЫЦЦЁ 37:35

І калі сабраліся ўсе дзеці яго, каб суцішыць боль бацькі, не хацеў ён слухаць суцяшэнняў і казаў: «Са смуткам пайду за сынам маім у апраметную». І плакаў па ім бацька яго.

ЁВА 15:11

Ці табе мала Божых суцяшэнняў і лагоднага слова, учыненага з табою?

ЁВА 31:23

бо страх для мяне — няшчасце ад Бога і супраць велічы Яго ніяк мне не здужаць!

ЁВА 6:4

Бо стрэлы Усемагутнага ўва мне, і атруту іх п’е дух мой, і страхі Божыя ваююць супраць мяне.

ЁВА 7:11

Таму і я не буду шкадаваць вуснаў маіх, буду прамаўляць у трывозе духу майго, буду гаварыць з горыччу душы маёй.

ПСАЛТЫР 42:11

Уздрыгваюць косці мае, а тыя, што прыцясняюць мяне, зняважылі мяне і кажуць мне штодзень: «Дзе Бог твой?»

ПСАЛТЫР 42:5

Прыпамінаю я гэта, і хвалююся ў душы маёй, бо я прыйшоў у грамадзе, у самы дом Божы, з голасам радасці і вызнання ў святкаванні ўслаўляючай працэсіі.

ПСАЛТЫР 43:5

Чаму ты смутная, душа мая, і чаго трывожышся ўва мне? Май надзею ў Богу, бо я ўсё роўна буду вызнаваць Яго: «Збаўленне аблічча майго» і «Бог мой».

ПСАЛТЫР 50:15

А тады пакліч Мяне ў дзень бяды, і Я ўратую цябе, і ты будзеш ганараваць Мяне.

ПСАЛТЫР 61:2

Выслухай, Божа, маленне маё, зваж на малітву маю.

ПЕСЬНЯ 3:1

«На ложку маім уначы шукала я таго, якога мілуе душа мая; шукала яго і не знайшла.

ІСАІ 26:16

Госпадзе, у нядолі шукалі яны Цябе, складалі малітвы, калі кара Твая засцігала іх.

ЕРАМІІ 17:17

Не будзь для мяне страхам, Ты, прыстанішча маё ў дзень няшчасця!

ПЛАЧ 3:17

І душа мая пазбылася супакою, забыўся я пра добрае.

ПЛАЧ 3:39

Як можа наракаць чалавек, які жыве, кожны за грахі свае?