ПСАЛТЫР 68:25 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁵ Убачылі яны шэсце Тваё, Божа, шэсце Бога майго, Цара майго, у святое месца.

Біблія (пераклад А.Бокуна)

²⁵ Бачылі шэсьце Тваё, Божа, шэсьце Бога майго і Валадара майго ў сьвятыні:

Біблія (пераклад В. Сёмухі)

²⁵ вылі на іх лютасьць Тваю, і полымя гневу Твайго хай абдыме іх;

ПСАЛТЫР 68:25 Крыжаваныя спасылкі

1 ЛЕТАПІСАЎ 13:8

Затым Давід ды ўвесь Ізраэль танцавалі перад Богам усёй моцай са спевамі і пад цытры, і пад псалтэрыёны, і пад тымпаны, і пад цымбалы, і пад трубы.

ПСАЛТЫР 63:3

У святыні адкрыў я Цябе, каб убачыць магуцце Тваё і славу Тваю.

ПСАЛТЫР 77:14

У святасці, Божа, дарога Твая; які бог такі вялікі, як Бог наш?

ПСАЛТЫР 87:7

І будуць спяваць, быццам у карагодзе: «Усе крыніцы мае ў Табе».

ВЫХАД 15:20

Дык сястра Аарона Мірыям-прарочыца, узяла тымпан у руку сваю; і ўсе жанчыны ішлі за ёю з тымпанамі і карагодамі;

ЕРАМІІ 31:13

«Тады будзе радавацца дзяўчына ў карагодзе, і юнакі, і старыя ўсе разам. І замяню Я смутак іх на радасць, і пацешу іх, і ўзвесялю па іх пакутах.

ЕРАМІІ 31:4

Я зноў адбудую цябе, і будзеш ты адбудаваная, дзева Ізраэля. Ты зноў аздобішся бубнамі сваімі і выйдзеш у карагодзе вясёлым.

СУДЗЬДЗЯЎ 11:34

Калі вярнуўся Яфтах у Міцпу, у дом свой, выбегла насустрач яму дачка яго адзіная з тымпанамі і скокамі: бо ён не меў апроч яе дзяцей.

1 ЦАРСТВАЎ 18:6

Затым, калі вярталіся ваяры, калі вяртаўся Давід, ударыўшы філістынца, выйшлі жанчыны з песнямі і танцамі насустрач цару Саўлу, з тымпанамі, і песнямі радаснымі, і з трашчоткамі.