ПСАЛТЫР 59:3 - Кнігі Святога Пісання - Біблія - Біблія — пераклад Чарняўскага (выданне 2017 года)

³ Уратуй мяне ад тых, што чыняць несправядлівасць, і ад мужоў, крывёю спэцканых, збаў мяне.

Біблія (пераклад А.Бокуна)

³ Выратуй мяне ад злачынцаў і збаў мяне ад людзей крывавых.

Біблія (пераклад В. Сёмухі)

³ Божа! Ты нас адкінуў, Ты паглуміў нас, угневаўся Ты; вярніся да нас,

ПСАЛТЫР 59:3 Крыжаваныя спасылкі

ПСАЛТЫР 56:6

Цэлы дзень перашкаджалі яны маім справам, усе задумы іх адносна мяне — на ліха.

ПСАЛТЫР 69:4

Знямогся я, крычучы, ахрыплым сталася горла маё; стаміліся вочы мае, так чакаю я Бога майго.

1 ЦАРСТВАЎ 24:11

Вось, бачаць вочы твае, што Госпад выдаў цябе сёння ў пячоры ў рукі мае; і гаварылі мне, каб я забіў цябе, але пашкадавала цябе вока маё, бо я казаў: “Не падыму рукі маёй на гаспадара майго, бо ён — намашчэнец Госпадаў і бацька мой”.

ВЫСЛОЎІ 12:6

Словы бязбожнікаў учыняюць засаду дзеля забойства, а вусны справядлівых вызваляюць іх.

ЯНА 15:25

Але, каб споўнілася слова, якое запісана ў іх законе: “Зненавідзелі Мяне без прычыны”.

МІХЕЯ 7:2

Знік з зямлі богабаязны, і няма між людзьмі праўдзівага; усе без вынятку цікуюць на кроў, кожны ставіць сетку на брата свайго.

ДЗЕІ 23:21

Ты, аднак, не вер ім, бо болей сарака з іх цікуе на яго. Яны пакляліся клятвай не есці і не піць, пакуль не заб’юць яго, і ўжо прыгатаваліся, чакаючы твайго дазволу».

ПСАЛТЫР 38:12

Прыяцелі мае і блізкія мае сталі наводдаль ад пакутаў маіх, а сваякі мае сталі здалёк.

ПСАЛТЫР 2:2

Узнімаюцца цары зямлі і князі збіраюцца супольна супраць Госпада і супраць Намашчэнца Яго:

1 ЦАРСТВАЎ 26:18

І гаварыў: «Чаму гаспадар мой пераследуе паслугача свайго? Што я зрабіў? Ці ёсць што благое ў руцэ маёй?

1 ЦАРСТВАЎ 24:17

Калі ж Давід скончыў гаварыць гэтыя словы Саўлу, Саўл сказаў: «Ці ж гэта твой голас, сын мой Давід?» І пачаў Саўл голасна плакаць.

1 ЦАРСТВАЎ 19:1

І намаўляў Саўл Ёнатана, сына свайго, і ўсіх паслугачоў сваіх, каб забілі Давіда; але Ёнатан, сын Саўла, вельмі любіў Давіда.

ПСАЛТЫР 140:2

Вырві мяне, Госпадзе, ад ліхога чалавека, сцеражы мяне ад гвалтаўніка.

ВЫСЛОЎІ 24:15

Не строй падкопы, о нягоднік, дому справядлівага, і не парушай спакою яго.