ПСАЛТЫР 15:3 - Кнігі Святога Пісання - Біблія - Біблія — пераклад Чарняўскага (выданне 2017 года)

³ хто не падманвае языком сваім, не робіць благога блізкаму свайму і ганьбы не ўзводзіць на блізкага свайго;

Біблія (пераклад А.Бокуна)

³ хто языком сваім не ачарніў, не ўчыніў ліхога бліжняму свайму і ня ўзьвёў ганьбы на таго, хто побач,

Біблія (пераклад В. Сёмухі)

³ Да сьвятых на зямлі і да дзівосных Тваіх - да іх уся зычлівасьць мая.

ПСАЛТЫР 15:3 Крыжаваныя спасылкі

ВЫСЛОЎІ 22:10

Прагані насмешніка — і знікне разам з ім сварка; спыняцца спрэчкі і ганьба.

ВЫСЛОЎІ 25:3

Як неба ў вышыні і зямля ў глыбіні — так сэрца цароў невызнана.

ІСАІ 56:2

Шчасны чалавек, які так робіць, і сын чалавечы, які гэтага трымаецца, пільнуючы шабат, каб не спаганіць яго, пільнуючы руку сваю, каб не ўчыніць аніякага ліха.

ЛЯВІТ 19:16

Не будзь паклёпнікам і плеткаром у сваім народзе. Не цікуй на кроў блізкага свайго. Я — Госпад!

МАЦЬВЕЯ 7:12

І ўсё, што толькі хочаце, каб вам рабілі людзі, вы і самі ім рабіце. Гэта ёсць закон і прарокі.

РЫМЛЯНАЎ 1:30

плеткары, паклёпнікі, ненавіснікі Бога, крыўдзіцелі, самахвалы, пыхліўцы, выдумшчыкі ліхога, непаслухмяныя бацькам,

РЫМЛЯНАЎ 12:17

Не аддавайце злом за зло. Дбайце пра добрае перад усімі людзьмі.

РЫМЛЯНАЎ 13:10

Любоў не робіць ліха бліжняму, таму любоў ёсць спаўненне закону.

ЦІТА 3:2

нікога не абмаўляць, не быць сварлівымі, але ціхімі, выяўляць да ўсіх людзей усю ласкавасць.

ЯКАВА 4:11

Браты, не ачарняйце адзін аднаго. Хто ачарняе брата свайго або асуджае брата свайго, той ачарняе закон ды асуджае закон. А калі ты асуджаеш закон, дык ты не выканавец закону, але суддзя.

3 ЯНА 1:11

Улюбёны, не наследуй ліхому, але таму, што добрае. Хто добрае робіць, ёсць ад Бога, а хто робіць благое, той не бачыў Бога.

1 ЦАРСТВАЎ 24:11

Вось, бачаць вочы твае, што Госпад выдаў цябе сёння ў пячоры ў рукі мае; і гаварылі мне, каб я забіў цябе, але пашкадавала цябе вока маё, бо я казаў: “Не падыму рукі маёй на гаспадара майго, бо ён — намашчэнец Госпадаў і бацька мой”.