ПСАЛТЫР 147:14 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ Ён усталёўвае супакой як межы твае і да сытасці корміць цябе пшаніцаю.

Біблія (пераклад А.Бокуна)

¹⁴ Ён дае супакой у межах тваіх, тлустасьцю пшаніцы насычае цябе.

ПСАЛТЫР 147:14 Крыжаваныя спасылкі

1 ЛЕТАПІСАЎ 22:9

Сын, які народзіцца ў цябе, будзе вельмі спакойным чалавекам; дам бо яму супакой ад усіх яго ворагаў навокал, і таму Саламонам будзе названы, і дам Ізраэлю ва ўсе дні яго мір і супакой.

ПСАЛТЫР 122:6

Прасіце таго, што [прыносіць] супакой Ерузаліму: «Хай жывуць у супакоі тыя, што любяць Цябе!

ПСАЛТЫР 132:11

Прысягнуў Госпад Давіду праўду, і не адступіць ад яе: «Ад плода сцёгнаў Тваіх пасаджу на пасад Твой.

ПСАЛТЫР 132:15

Дабраслаўляючы, дабраслаўлю ежу яго, бедных яго накармлю хлебам.

ПСАЛТЫР 29:11

Госпад дасць сілу Свайму народу, Госпад дасць дабраславенне народу Свайму ў супакоі.

ПСАЛТЫР 81:16

Непрыяцелі Госпадавы ліслівілі б перад ім, і доля іх была б навечна.

ІСАІ 66:12

Бо гэта кажа Госпад: «Вось жа, Я накірую да яго супакой, як раку, і славу народаў, як паводкавы ручай. Будзеце ссаць, і будуць насіць вас на руках і на каленях будуць песціць вас.

ЕЗЭКІІЛЯ 16:13

І ўбраная была ты ў золата і срэбра, і апранутая ў вісон і ядваб і ў рознакаляровыя шаты. Ела ты найчысцейшую муку, і мёд, і алей, і зрабілася вельмі прыгожай, і дасягнула годнасці царскай.

ЕЗЭКІІЛЯ 27:17

Юда і зямля Ізраэля гандлявалі з табой: давалі табе на абмен першую пшаніцу, смалу, і мёд, і алей, і бальзам.

ЛЯВІТ 26:6

Я дам супакой на межах вашых, і будзеце вы спаць і не будзе каму вас палохаць. Я прыму дзікіх звяроў, і меч не пройдзе па зямлі вашай.

ЗАХАРЫІ 9:8

І Я пастаўлю дом Свой, як абарону ад уваходзячых і выходзячых; і не ўвойдзе болей да іх крыўдзіцель, бо Я цяпер гляджу Маімі ўласнымі вачамі.

ДРУГІ ЗАКОН 32:14

масла з кароў і малако з авечак, разам з тлушчам бараноў, і ягнят сыноў Басана, і казлоў, разам з найчысцейшай пшаніцай, і каб піў адборную кроў вінаграду.