ПСАЛТЫР 139:24 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ і пабач, ці ёсць ува мне дарога марнасці, і выведзі мяне дарогай вечнай.

Біблія (пераклад А.Бокуна)

²⁴ І паглядзі, ці не на гаротным я шляху, і шляхам вечнасьці вядзі мяне.

ПСАЛТЫР 139:24 Крыжаваныя спасылкі

ПСАЛТЫР 119:1

Алілуя.АЛЕФ. Шчасныя беззаганныя ў дарозе, якія ходзяць у законе Госпада.

ПСАЛТЫР 119:32

Дарогаю прыказанняў Тваіх пабягу, бо пашырыў Ты сэрца маё.

ПСАЛТЫР 143:10

Навучы мяне спаўняць волю Тваю, бо Ты мой Бог. Дух Твой хай вядзе мяне па роўнай зямлі;

ПСАЛТЫР 143:8

Дай мне пачуць на світанні міласэрнасць Тваю, бо ўсклаў я надзею на Цябе. Дай мне спазнаць дарогу, па якой я пайду, бо да Цябе ўзвысіў я душу маю.

ПСАЛТЫР 16:11

Ты даў мне пазнаць дарогі жыцця, Ты напоўніш мяне радасцю ад аблічча Твайго, асалода вечная ў правіцы Тваёй.

ПСАЛТЫР 17:3

Выпрабуй сэрца маё і наведай ноччу [мяне]; агнём паспытай мяне, — і не знойдзеш беззаконня ўва мне.

ПСАЛТЫР 27:11

Пакажы мне, Госпадзе, дарогу Тваю і скіроўвай мяне на простую сцяжыну адносна праціўнікаў маіх.

ПСАЛТЫР 5:8

А я вось у мностве міласэрнасці Тваёй увайду ў дом Твой; пакланюся святому храму Твайму ў страху Тваім.

ВЫСЛОЎІ 15:9

Агіднасць для Госпада — дарога бязбожніка; хто ідзе ўслед за справядлівасцю — будзе любімы Ім.

ВЫСЛОЎІ 28:26

Хто спадзяецца на сэрца сваё — той бязглузды, а хто ходзіць мудра — сам будзе збаўлены.

МАЦЬВЕЯ 7:14

А якая ж цесная брама і вузкая дарога, што вядзе да жыцця, і нямнога такіх, што знаходзяць яе.

ЯНА 14:6

Кажа яму Ісус: «Я – дарога, і праўда, і жыццё. Ніхто не прыходзіць да Айца, як толькі праз Мяне.

КАЛАСЯНАЎ 2:6

Дык як вы прынялі Хрыста Ісуса, Госпада, у Ім і жывіце,