ПСАЛТЫР 132:5 - Кнігі Святога Пісання - Біблія - Біблія — пераклад Чарняўскага (выданне 2017 года)

⁵ пакуль не знайду месца для Госпада, палаткі для Магутнага Якубава».

Біблія (пераклад А.Бокуна)

⁵ пакуль не знайду месца для ГОСПАДА, сялібы для Моцнага Якуба!»

ПСАЛТЫР 132:5 Крыжаваныя спасылкі

2 ЦАРСТВАЎ 6:17

І прынеслі каўчэг Госпада, і паставілі яго на месцы яго, у сярэдзіне палаткі, якую паставіў для яго Давід; і склаў Давід перад Госпадам ахвяры цэласпалення і ахвяры прымірэння.

2 ЦАРСТВАЎ 7:1

Сталася ж, калі цар абжыўся ў доме сваім і Госпад даў яму супакой ад усіх ворагаў яго навокал,

3 ЦАРСТВАЎ 8:17

І Давід, бацька мой, захацеў збудаваць дом імю Госпада, Бога Ізраэля,

3 ЦАРСТВАЎ 8:27

Ці ж можна падумаць, што Бог сапраўды будзе прабываць на зямлі? Бо калі неба і нябёсы нябёсаў не могуць ахапіць Цябе, што ж тады гэты дом, які Я пабудаваў!

1 ЛЕТАПІСАЎ 15:12

і сказаў ім: «Вы з’яўляецеся кіраўнікамі родаў левітаў, ачысціцеся вы і браты вашы ды перанясіце каўчэг Госпада, Бога Ізраэля, на месца, якое я прыгатаваў.

1 ЛЕТАПІСАЎ 15:3

Дык сабраў Давід увесь Ізраэль у Ерузаліме, каб занесці каўчэг Госпада на сваё месца, якое прыгатаваў для яго;

1 ЛЕТАПІСАЎ 22:7

і Давід сказаў Саламону: «Сыне мой, я хацеў сам пабудаваць дом імю Госпада, Бога майго,

1 ЛЕТАПІСАЎ 28:2

І калі цар падняўся і стаў, ён казаў: «Слухайце мяне, браты мае і народзе мой! Задумаў я пабудаваць дом, у якім супачыў бы каўчэг прымірэння Госпада і падножжа для стопаў Бога нашага; і да пабудавання я ўсё прыгатаваў;

2 ЛЕТАПІСАЎ 2:6

Дык хто зможа быць моцным, каб пабудаваць дастойны дом Яму? Калі неба і нябёсы нябёсаў не могуць Яго ахапіць, хто я такі, каб змог я пабудаваць Яму дом? Але толькі дзеля таго, каб успальваць каджэнне.

ІСАІ 66:1

Гэта кажа Госпад: «Неба — пасад Мой, а зямля — падножжа ног Маіх. Які ж дом пабудуеце Мне, — кажа Госпад, або якое месца для супачынку Майго?

ЭФЭСЯНАЎ 2:22

на Якім і вы разам будуецеся на жытло Божае Духам.