ПСАЛТЫР 128:2 - Кнігі Святога Пісання - Біблія - Біблія — пераклад Чарняўскага (выданне 2017 года)

² Бо з працы рук тваіх будзеш харчавацца, шчасны будзеш і добра будзе табе.

Біблія (пераклад А.Бокуна)

² Ты будзеш працу рук тваіх есьці, ты шчасьлівы, і добра табе!

Біблія (пераклад В. Сёмухі)

² шмат уціскалі мяне зь юнацтва майго, але не адолелі мяне.

ПСАЛТЫР 128:2 Крыжаваныя спасылкі

БЫЦЦЁ 3:19

У поце твару твайго будзеш есці хлеб, аж пакуль не вернешся ў зямлю, з якой ты ўзяты, бо ты пыл і ў пыл вернешся».

ПСАЛТЫР 1:3

І будзе ён, як дрэва паблізу цячэння вод, якое дае плод у свой час і лістота якога не вяне; і ўсё, што ён робіць, будзе ўдавацца яму.

ПСАЛТЫР 109:11

Хай ліхвяр захопіць усю маёмасць яго, і хай чужынцы разрабуюць [плён] працы яго.

ЭКЛЕЗІЯСТА 8:12

Бо грэшнік вось сторазова робіць ліха, а доўжыць дні свае. Але я пазнаў, што добра будзе тым, якія шануюць Бога, якія саромеюцца аблічча Яго.

ІСАІ 3:10

Скажыце справядліваму: «Добра!», бо будзе спажываць плод задум сваіх.

ІСАІ 62:8

Прысягнуў Госпад правіцай сваёю, ды рукой Магутнасці сваёй: «Не дам больш пшаніцы тваёй на ежу непрыяцелям тваім, і не будуць піць сыны чужынца віна твайго, над якім ты працаваў.

ІСАІ 65:13

Вось чаму гэта кажа Госпад Бог: «Вось жа, паслугачы Мае будуць есці, а вы будзеце галадаць; вось, паслугачы Мае будуць піць, а вы будзеце цярпець смагу; вось, паслугачы Мае будуць цешыцца, а вы будзеце саромецца;

ЕРАМІІ 22:15

«Ці будзеш цараваць, таму што выслаўляешся кедрамі? А можа, твой бацька не еў і не піў? Але ён спаўняў закон і чыніў справядлівасць, і добра было яму тады.

1 КАРЫНФЯНАЎ 15:58

Дзеля таго, браты мае ўлюбёныя, будзьце стойкімі, непахіснымі, заўсёды рупліва занятымі справай Госпада, ведаючы, што праца ваша недарэмная перад Госпадам.

ЭФЭСЯНАЎ 6:3

каб добра было табе і каб быў ты даўгавечным на зямлі.

ДРУГІ ЗАКОН 28:11

І дасць табе Госпад дастатак ва ўсіх даброццях; і плод улонню твайму, і прыплод жывёле тваёй, плён зямлі тваёй, якою прысягнуў Госпад бацькам тваім, што дасць табе.

ДРУГІ ЗАКОН 28:39

Вінаграднікі пасадзіш і будзеш даглядаць, а віна піць не будзеш, ды нічога з іх не збярэш, бо будуць паедзены чарвякамі.

ДРУГІ ЗАКОН 28:4

Дабраславёны плод улоння твайго, і плод зямлі тваёй, і прыплод жывёлы тваёй, і прыплод валоў тваіх, і прырост авечак тваіх.

ДРУГІ ЗАКОН 28:51

І ён зжарэ плод тваёй жывёлы і плады зямлі тваёй, пакуль ты не загінеш; і не пакіне табе пшаніцы, віна і алею, прыплоду жывёлы і прыросту авечак, пакуль цябе не знішчыць.

ДРУГІ ЗАКОН 28:8

Спашле Госпад дабраславенне на свірны твае і на ўсякую працу рук тваіх; і будзе дабраслаўляць цябе зямля, якую дасць табе Госпад, Бог твой.