ПСАЛТЫР 119:96 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹⁶ Я ўбачыў абмежаванасць любой дасканаласці; загад Твой — бязмежна шырокі.

Біблія (пераклад А.Бокуна)

⁹⁶ Я бачыў заканчэньне ўсякай дасканаласьці; але прыказаньні Твае ня маюць канца.

ПСАЛТЫР 119:96 Крыжаваныя спасылкі

2 ЦАРСТВАЎ 14:25

А прыгажэйшага за Абсалома не было мужчыны ва ўсім Ізраэлі, якога б так услаўлялі: ад ступняў ног аж да галавы не было ў ім ніякай заганы.

2 ЦАРСТВАЎ 16:23

А парада Ахітатэла, якую ён даваў у гэты час, была быццам слова Бога; такая была ўсякая парада Ахітатэла, і калі быў ён з Давідам, так і калі быў з Абсаломам.

2 ЦАРСТВАЎ 17:23

Тым часам Ахітатэл, бачачы, што не была выканана парада яго, асядлаў асла свайго, і ўскочыў на яго, і вярнуўся ў горад свой, у дом свой, і, даўшы загад адносна дома свайго, павесіўся і памёр, і быў пахаваны ў магіле бацькі свайго.

2 ЦАРСТВАЎ 18:14

І сказаў Ёаб: «Не хачу так марудзіць з табою». І ўзяў ён у руку сваю тры стралы, і ўбіў іх у сэрца Абсалома, калі ён яшчэ жывы вісеў на дубе;

2 ЦАРСТВАЎ 18:17

І яны прынеслі Абсалома, і кінулі яго ў лесе ў вялікую яму, і накідалі на яго вялікую кучу камянёў; а ізраэльцы ўцяклі ў свае палаткі.

ЭКЛЕЗІЯСТА 12:8

Марнасць з марнасцей, — кажа Эклезіяст, — ды ўсё марнасць.

ЭКЛЕЗІЯСТА 2:11

І калі азірнуўся я на ўсе справы, што ўчынілі рукі мае, і на тыя працы, на якіх я ўлягаў, і вось — ва ўсім марнасць і засмучанасць духа, і ніякай карысці пад сонцам.

ЭКЛЕЗІЯСТА 7:20

Бо няма на зямлі чалавека справядлівага, які чыніў бы дабро і не грашыў.

МАЦЬВЕЯ 24:35

Неба і зямля сыдуць, але слова Маё не праміне.

МАЦЬВЕЯ 5:18

Бо сапраўды кажу вам: пакуль неба і зямля не прамінуць, ані адна ёта, ані адна рыска не зменіцца ў законе, аж пакуль усё не збудзецца.

МАЦЬВЕЯ 5:28

А Я вам кажу, што кожны, хто глядзіць на жанчыну, прагнучы яе, ужо яе зчужаложыў у сэрцы сваім.

РЫМЛЯНАЎ 7:14

Ведаем бо, што закон духоўны, а я – цялесны, праданы граху.

1 ЦАРСТВАЎ 17:8

І стаў ён насупраць войска Ізраэля, і крычаў, і казаў ім: «Чаго вы прыйшлі, падрыхтаваўшыся да бою? Ці ж я не філістынец, а вы ці не паслугачы Саўла? Выберыце з вас некага, і хай ён уступіць у бой са мной!

1 ЦАРСТВАЎ 9:2

І быў у яго сын імем Саўл, прыгожы і сумленны, і не было сярод сыноў Ізраэля лепшага за яго; ён быў на галаву вышэй за ўвесь народ.