ПСАЛТЫР 119:9 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹ БЭТ. Якім чынам юнак захавае чыстай дарогу сваю? Пільнуючыся слоў Тваіх.

Біблія (пераклад А.Бокуна)

⁹ Якім чынам юнак захавае ў чыстасьці сьцежку сваю? [Калі] будзе захоўваць [яе] паводле слова Твайго.

ПСАЛТЫР 119:9 Крыжаваныя спасылкі

2 ЛЕТАПІСАЎ 6:16

Дык цяпер, Госпадзе, Божа Ізраэля, стрымай абяцанне паслугачу Твайму Давіду, бацьку майму, што яму даў, кажучы: “Не будзеш ты пазбаўлены нашчадка перада Мною, які мае сядзець на пасадзе Ізраэля, але толькі тады, калі сыны твае будуць пільнаваць дарогі свае і трымацца закону Майго, як і ты спраўляўся перада Мною”.

ЁВА 1:5

Калі ж замыкалася кола дзён балявання, пасылаў да іх Ёў і асвячаў іх; і, устаўшы рана, прыносіў цэласпаленні за кожнага з іх. І казаў: «Каб толькі не зграшылі сыны мае і не зняважылі Бога ў сэрцах сваіх». Так чыніў Ёў ва ўсе дні.

ЁВА 13:26

Бо Ты пішаш на мяне ўсякія горычы і хочаш апанаваць мяне грахамі маладосці маёй.

ПСАЛТЫР 119:11

У сэрцы сваім берагу словы Твае, каб не грашыць супраць Цябе.

ПСАЛТЫР 17:4

Не прыляпляюцца вусны мае да спраў чалавечых, паводле слоў вуснаў Тваіх я захаваў сябе ад шляхоў гвалтаўніка.

ПСАЛТЫР 25:7

ГЭТ. Не прыпамінай грахоў маладосці маёй і злачынстваў маіх, але помні пра мяне Ты паводле міласэрнасці Тваёй, згодна дабраце Тваёй, Госпадзе.

ПСАЛТЫР 34:11

КАФ. Багатыя збяднелі і пачалі галадаць, а вось тыя, што шукалі Госпада, не будуць мець нястачы ні ў чым добрым.

ВЫСЛОЎІ 1:10

Сыне мой, калі цябе будуць прыцягваць грэшнікі, не прыставай да іх.

ВЫСЛОЎІ 1:4

каб простым людзям прыдаць кемлівасці, юнаку — ведаў і развагі.

ВЫСЛОЎІ 2:11

Сумленне будзе пільнаваць цябе, а растаропнасць уратуе цябе,

ВЫСЛОЎІ 4:1

Слухайце, дзеці, бацькоўскае настаўленне і слухайце, каб навучыцца разважлівасці;

ВЫСЛОЎІ 7:7

бачу я сярод моладзі юнака неразумнага,

ЭКЛЕЗІЯСТА 11:9

Дык цешся, юнача, з сваёй маладосці, і сэрца тваё хай будзе з дабром у днях юнацтва твайго, і хадзі па шляхах сэрца свайго і за позіркам вачэй тваіх; а ведай, што за ўсё гэта павядзе цябе Бог на суд.

ЛУКАША 15:13

І праз некалькі дзён маладзейшы сын, забраўшы ўсё, выправіўся ў далёкую краіну і прамантачыў там сваю маёмасць, жывучы распусна.

ЯНА 15:3

Вы ўжо ачышчаны праз слова, якое Я гаварыў вам.

ДРУГІ ЗАКОН 17:18

Калі сядзе ён на пасадзе царства свайго, няхай спіша сабе са скрутка асобнік гэтага закону, узяўшы яго ў святароў з пакалення левіцкага,

2 ЦІМАФЕЯ 2:22

Высцерагайся пажаданняў юнацкіх, але трымайся справядлівасці, веры, любові, супакою з тымі, што чыстым сэрцам заклікаюць Госпада.

ІСУСА 1:7

Толькі будзь цвёрды і вельмі мужны, каб пільнаваць і выконваць увесь закон, які пераказаў табе Майсей, паслугач Мой. Не адступіся ад яго ані ўправа, ані ўлева, каб мець поспех ва ўсім, да чаго будзеш імкнуцца.