ПСАЛТЫР 119:73 - Кнігі Святога Пісання - Біблія - Біблія — пераклад Чарняўскага (выданне 2017 года)

⁷³ Рукі Твае стварылі мяне і аформілі мяне; дай мне разуменне, і я навучуся загадам Тваім.

Біблія (пераклад А.Бокуна)

⁷³ Рукі Твае зрабілі мяне і ўмацавалі; дай мне разуменьне, каб я навучыўся прыказаньням Тваім!

ПСАЛТЫР 119:73 Крыжаваныя спасылкі

1 ЛЕТАПІСАЎ 22:12

Хай дасць табе Госпад столькі разважнасці і розуму, каб мог ты валадарыць над Ізраэлем ды пільнаваць закон Госпада, Бога твайго;

2 ЛЕТАПІСАЎ 2:12

І дадаў, кажучы: «Дабраславёны Госпад, Бог Ізраэля, Які стварыў неба і зямлю, Які даў Давіду цару сына мудрага, і вучонага, і разумнага, і разважнага, каб пабудаваў ён дом Госпаду ды сабе палац.

ЁВА 31:15

Ці ж не ва ўлонні ўчыніў мяне Той, Хто і яго стварыў, і адзін сфармаваў мяне ва ўлонні?

ЁВА 32:8

Але, як бачу, дух ёсць у чалавеку і подых Усемагутнага дае разуменне.

ПСАЛТЫР 100:3

Ведайце, што Сам Госпад — гэта Бог; Ён стварыў нас, дык мы Яго, мы — народ Яго і авечкі пашы Яго.

ПСАЛТЫР 111:10

РЭС. Пачатак мудрасці — пашана да Госпада, СІН. добры розум ва ўсіх, хто гэта чыніць; ТАУ. Хвала Яго трывае на векі вечныя.

ПСАЛТЫР 119:125

Слуга Твой я; дай мне разуменне, каб ведаў я сведчанні Твае.

ПСАЛТЫР 119:144

Сведчанні Твае — вечная справядлівасць; дай мне разуменне, і я буду жыць.

ПСАЛТЫР 119:169

ТАЎ. Хай наблізіцца маленне маё да Цябе, Госпадзе; згодна з словам Тваім дай мне разуменне.

ПСАЛТЫР 119:34

Дай мне разуменне, і я буду выконваць закон Твой і пільнавацца яго ад усяго сэрца майго.

ПСАЛТЫР 138:8

Госпад зробіць за мяне. Госпадзе, міласэрнасць Твая вечная: не пагарджай творамі рук Тваіх.

ПСАЛТЫР 95:6

Прыходзьце, паклонімся, і ўкленчым, схілім калені перад Госпадам, Які стварыў нас,

2 ЦІМАФЕЯ 2:7

Зразумей, што кажу: хай дасць табе Госпад ва ўсім розум.

ЯКАВА 3:18

Плод жа праведнасці засяваецца ў міры тымі, што паводзяць сябе мірна.

1 ЯНА 5:20

Ведаем таксама, што Сын Божы прыйшоў і абдарыў нас розумам, каб мы пазналі Таго, Хто праўдзівы; і мы ў Тым, Хто праўдзівы, у Сыне Яго Ісусе Хрысце. Ён праўдзівы Бог і Жыццё вечнае.