ПСАЛТЫР 119:67 - Кнігі Святога Пісання - Біблія - Біблія — пераклад Чарняўскага (выданне 2017 года)

⁶⁷ Перш чым быў прыніжаны, блудзіў я, цяпер жа буду трымацца прырачэння Твайго.

Біблія (пераклад А.Бокуна)

⁶⁷ Перш, чым я стаўся спакораным, я блукаў; цяпер слова Тваё я захоўваю.

ПСАЛТЫР 119:67 Крыжаваныя спасылкі

2 ЦАРСТВАЎ 10:19

А ўсе цары, якія прыйшлі на дапамогу Ададэзэру, убачыўшы, што яны пераможаны Ізраэлем, заключылі саюз з Ізраэлем і служылі яму. І надалей сірыйцы баяліся дапамагаць сынам Амона.

ПСАЛТЫР 119:176

Блукаю я, як авечка, што прапала; шукай слугу Твайго, бо загадаў Тваіх я не забываюся.

ПСАЛТЫР 119:71

Добра для мяне, што быў я прыніжаны, каб навучыўся пастановам Тваім.

ПСАЛТЫР 119:75

ЁД. Спазнаў я, Госпадзе, што прысуды Твае — справядлівасць, і па справядлівасці прынізіў Ты мяне.

ВЫСЛОЎІ 1:32

Адступніцтва невукаў заб’е іх, а нядбаласць бязглуздых загубіць іх.

ЕРАМІІ 22:21

«Прамаўляў Я да цябе ў час бяспекі тваёй, а ты адказаў: “Не буду слухаць!” Гэткая твая дарога ад юнацтва твайго, бо не слухаў ты голасу Майго.

АСІІ 5:15

Пайду і зноў вярнуся ў Сваё месца, аж адпакутуюць і будуць шукаць аблічча Майго, і будуць прагнуць Мяне ў бедах сваіх.

ДРУГІ ЗАКОН 32:15

Насыціўся Ізраэль і стаўся брыклівы, стаў сыты, тлусты і распаўнелы, і пакінуў Бога, Творцу свайго, і зняважыў скалу збаўлення свайго.

АДКРЫЦЦЁ 3:10

Бо ўхаваў ты слова стойкасці Маёй, і Я цябе ўхаваю ў гадзіну спакушэння, якая прыйдзе на ўвесь свет зводзіць жыхароў на зямлі.