ПСАЛТЫР 119:58 - Кнігі Святога Пісання - Біблія - Біблія — пераклад Чарняўскага (выданне 2017 года)

⁵⁸ Звярнуўся я малітоўна да аблічча Твайго ад усяго сэрца майго; злітуйся нада мной паводле Твайго прырачэння.

Біблія (пераклад А.Бокуна)

⁵⁸ Я прынізіўся перад абліччам Тваім ад усяго сэрца; зьлітуйся нада мною паводле слова Твайго.

ПСАЛТЫР 119:58 Крыжаваныя спасылкі

ПСАЛТЫР 119:41

ВАЎ. Дык хай сыдзе на мяне міласэрнасць Твая, Госпадзе, збаўленне Тваё паводле Твайго прырачэння.

ГАБРЭЯЎ 10:22

прыступайма са шчырым сэрцам, у паўнаце веры, крапленнем ачысціўшы сэрцы ад усякай свядомасці ліхой і з абмытым чыстаю вадою целам.

ПСАЛТЫР 119:170

Хай дойдзе да Цябе маленне маё; паводле прырачэння Твайго вызвалі мяне.

ПСАЛТЫР 119:10

Усім сэрцам маім шукаю я Цябе, зрабі так, каб я не адступіўся ад пастановаў Тваіх.

ПСАЛТЫР 27:8

Пра Цябе прамовіла сэрца маё: «Вышуквайце аблічча Маё!» Аблічча тваё, Госпадзе, буду вышукваць.

ПСАЛТЫР 4:6

Складзіце ахвяру праўды і майце надзею ў Богу.

3 ЦАРСТВАЎ 13:6

І прасіў цар у чалавека Божага: «Малі аблічча Госпада, Бога твайго, і памаліся за мяне, каб вярнулася рука мая да мяне». Памаліўся чалавек Божы да аблічча Госпада, і вярнулася рука цара да яго, і стала такою, як была раней.

МАЦЬВЕЯ 24:35

Неба і зямля сыдуць, але слова Маё не праміне.

АСІІ 7:14

Не прызывалі Мяне шчырым сэрцам сваім, калі лямантавалі на ложках сваіх; наразаюць скуру з-за збожжа і віна ды супрацівяцца адносна Мяне.

ПСАЛТЫР 138:2

Пакланюся Табе ў хораме Тваім святым; буду вызнаваць імя Тваё за міласэрнасць Тваю і праўду Тваю, бо ўзвялічыў Ты вышэй за ўсё імя прырачэння Твайго.

ПСАЛТЫР 119:76

Калі будзе міласэрнасць Твая, каб суцешыць мяне, паводле прырачэння Твайго слузе Твайму.

ПСАЛТЫР 119:65

ТЭТ. Дабрадзейства даў Ты слузе Твайму, Госпадзе, паводле слова Твайго.

ПСАЛТЫР 56:10

Тады павернуцца непрыяцелі мае назад, у які б дзень ні паклікаў я Цябе: вось, спазнаў, што Ты — мой Бог.

ПСАЛТЫР 56:4

У які дзень нападзе на мяне страх, я ў Табе, Усемагутны, маю надзею.

ЁВА 11:19

Будзеш адпачываць, і не будзе каму цябе палохаць, і многія будуць запабягаць перад тваім абліччам.

ПСАЛТЫР 119:145

КОФ. Крычу я ад усяго сэрца майго: выслухай мяне, Госпадзе; выканаць хачу пастановы Твае.