ПСАЛТЫР 113:5 - Кнігі Святога Пісання - Біблія - Біблія — пераклад Чарняўскага (выданне 2017 года)

⁵ Хто ж, як Госпад Бог наш, Які жыве на вышынях?

Біблія (пераклад А.Бокуна)

⁵ Хто як ГОСПАД, Бог наш, Які жыве ў вышыні

Біблія (пераклад В. Сёмухі)

⁵ Што з табою, мора, чаго ты пабегла, і з табою, Ярдане, чаго павярнуўся назад?

ПСАЛТЫР 113:5 Крыжаваныя спасылкі

ПСАЛТЫР 103:19

Госпад у небе падрыхтаваў пасад Свой, і валадарыць Ён над усім светам.

ПСАЛТЫР 11:4

Госпад у святым храме Сваім, Госпад, на небе пасад Яго. Вочы Яго звернуты на ўбогага, павекі Яго выпрабоўваюць сыноў чалавечых.

ПСАЛТЫР 35:10

Усе косці мае скажуць: «Госпадзе, хто падобны да Цябе? Ты вырываеш няшчаснага з рук дужэйшага за яго, абнядоленага і беднага — ад тых, што рабуюць яго».

ПСАЛТЫР 89:6

Нябёсы будуць вызнаваць цуды Твае, Госпадзе, і праўду Тваю на сходзе святых.

ПСАЛТЫР 89:7

Бо хто на воблаках зраўняецца з Госпадам, хто стане падобны Госпаду паміж сыноў Божых?

ПСАЛТЫР 89:8

Бог, годны ўшанавання на нарадзе святых, вялікі і жахлівы Ён над усімі, хто навокал Яго.

ПСАЛТЫР 89:9

Госпадзе, Божа магуццяў, хто падобны да Цябе? Магутны Ты, Госпадзе, і праўда Твая — навокал Цябе.

ВЫХАД 15:11

Хто сярод багоў падобны Табе, Госпадзе? Хто падобны Табе, хто слаўны святасцю, страшны і праслаўлены, творца цудаў?

ІСАІ 16:5

І ўмацаваны будзе пасад міласэрнасцю; і сядзе на ім у справядлівасці, у палатцы Давіда, той, хто судзіць і шукае суда ды хутка аддае тое, што справядлівае.

ІСАІ 40:18

Дык каму падобным зробіце Бога? Або які абраз прымяркуеце Яму?

ІСАІ 40:25

«Дык да каго ж вы прыпадобніце Мяне, каб быў Я яму быццам роўны?» — кажа Святы.

ІСАІ 57:15

Бо гэта кажа Высокі і Узвышні, Які пражывае ў вечнасці, а імя Яго — святое: «На вышіні і ў святым месцы, жыву Я, ды разам з засмучанымі ды пакорнымі духам, каб ажывіць дух пакорных і ажывіць сэрца засмучанае.

ЕРАМІІ 10:6

Няма нікога падобнага да Цябе, Госпадзе! Магутны Ты, і вялікае імя Тваё ў магутнасці!

ДРУГІ ЗАКОН 33:26

Няма другога такога, як Бог Ешуруна, Які ідзе па небе на дапамогу табе ды ў славе сваёй па воблаках.