ПСАЛТЫР 105:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ «Не чапайце намашчэнцаў Маіх і прарокам Маім не рабіце зла».

Біблія (пераклад А.Бокуна)

¹⁵ [кажучы]: «Не чапайце памазанцаў Маіх, і прарокам Маім не рабіце благога!»

Біблія (пераклад В. Сёмухі)

¹⁵ І Ён выканаў іхнюю просьбу, але паслаў на іх душы пошасьць.

ПСАЛТЫР 105:15 Крыжаваныя спасылкі

БЫЦЦЁ 20:7

Цяпер вось вярні жонку мужу яе, бо ён прарок, і будзе маліцца за цябе, і ты будзеш жыць. Калі ж не захочаш вярнуць, то ведай, што памрэш смерцю ты і ўсе, хто твае».

БЫЦЦЁ 26:11

«Хто дакранецца да гэтага чалавека і жонкі яго, будзе пакараны смерцю».

2 ЦАРСТВАЎ 1:14

І сказаў яму Давід: «Як ты адважыўся падняць руку сваю, каб забіць намашчэнца Госпадава?»

3 ЦАРСТВАЎ 13:4

І калі цар пачуў словы чалавека Божага, якія ён выкрыкнуў супраць ахвярніка ў Бэтэлі, выцягнуў ён руку сваю да ахвярніка, кажучы: «Схапіце яго!» І здранцвела рука яго, якую ён выцягнуў супраць яго, і ён не мог яе вярнуць да сябе.

3 ЦАРСТВАЎ 19:16

і Егу, сына Намсі, намасці на цара Ізраэля, а Элісея, сына Сафата, з Абэл-Мэхолы, памажаш на прарока замест сябе.

ЭСТЭР 6:13

І Аман расказаў жонцы сваёй Зарэс і прыяцелям пра ўсё, што спаткала яго; адказалі яму мудрацы, якіх меў для парады, і жонка яго: «Калі Мардахэй з народа юдэйскага, а ты перад ім пачаў падаць, дык не зможаш перамагчы яго, але падзеш перад ім».

ЕРАМІІ 36:26

І загадаў цар Ерамээлю, сыну царскаму, і Сараі, сыну Азрыэля, і Сэлеміі, сыну Абдээля, схапіць Баруха, пісара, і прарока Ярэмію, але Госпад схаваў іх.

ЕРАМІІ 39:12

«Вазьмі яго, і ўскладзі на яго вочы свае, і не рабі яму нічога благога, і выконвай тое, што ён захоча».

ЗАХАРЫІ 2:12

І будзе валодаць Госпад Юдаю, Сваёй спадчынай у святой зямлі, і выбера Сабе зноў Ерузалім.

ЗАХАРЫІ 2:8

Бо вось што кажа Госпад Магуццяў дзеля Яго славы паслаў Ён Мяне да народаў, якія абрабавалі вас: «“Хто кране вас, той кране зрэнку вока Майго.

1 ЯНА 2:27

І намашчэнне, якое вы атрымалі ад Яго, трывае ў вас, і не трэба, каб вас хтосьці вучыў, бо самае Яго намашчэнне вучыць вас усяму, і яно праўдзівае, і няма ў ім хлусні, і як вас навучыла, так вы і трывайце ў ім.