ПСАЛТЫР 104:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ і віно, якое развесяляе сэрца чалавека; Ты ажыўляеш аблічча алеем, а хлеб умацоўвае чалавечае сэрца.

Біблія (пераклад А.Бокуна)

¹⁵ і віно, якое сэрца людзям весяліць, і алей, ад якога твар іх блішчыць, і хлеб, які сэрца людзей умацоўвае.

Біблія (пераклад В. Сёмухі)

¹⁵ «не дакранайцеся да памазанцаў Маіх, і прарокам Маім не рабеце зла».

ПСАЛТЫР 104:15 Крыжаваныя спасылкі

БЫЦЦЁ 18:5

А я прынясу лусту хлеба, і пасіліце сэрца ваша, а потым пойдзеце далей; бо вось павярнулі вы да паслугача свайго». Яны сказалі: «Зрабі так, як сказаў».

2 ЦАРСТВАЎ 13:28

І загадаў Абсалом паслугачам сваім, кажучы: «Глядзіце: калі Амнон павесялее ад віна, я загадаю вам: “Ударце Амнона!” — і вы забіце яго! Не бойцеся; бо гэта я загадваю вам. Набярыцеся сілы і будзьце адважнымі людзьмі».

ПСАЛТЫР 105:16

А потым наклікаў голад на зямлю, і змарнаваў увесь запас хлеба.

ПСАЛТЫР 23:5

Ты накрыў перада мною стол насуперак тым, што ўціскаюць мяне; намасціў алейкам галаву маю, і келіх мой поўны з вярхом.

ПСАЛТЫР 92:10

Бо вось, непрыяцелі Твае, Госпадзе, бо вось, непрыяцелі Твае загінуць і расцярушацца ўсе, што чыняць несправядлівасць.

ВЫСЛОЎІ 31:6

Дай сіцэры таму, хто гіне, а віна тым, хто з горкай душою:

ВЫСЛОЎІ 31:7

хай п’юць і хай забудуцца на беднасць сваю, і хай больш не ўспамінаюць пра смутак свой.

ЭКЛЕЗІЯСТА 10:19

Баль ладзяць дзеля забавы, а віно развесяляе жыццё, і грошы даюць усё.

ЭКЛЕЗІЯСТА 8:1

Хто такі, як мудрэц, і хто пазнаў тлумачэнне рэчаў? Мудрасць чалавечая прасвятляе яго воблік ды змяняе суровасць яго твару.

ЭКЛЕЗІЯСТА 9:7

Дык ідзі і ў радасці еж хлеб свой і пі з весялосцю віно сваё; бо ўжо даўно спадабаліся Богу ўчынкі твае.

ІСАІ 3:1

Вось, Валадар, Госпад Магуццяў адыме ў Ерузаліма і ў Юды моц і апеку: увесь запас хлеба ды ўвесь запас вады,

ІСАІ 55:10

І як дождж або снег спадае з неба і туды больш не вяртаецца, але поіць зямлю і корміць яе, і дае, каб яна радзіла, і дае насенне сейбіту і хлеб едаку,

ЕРАМІІ 31:12

І прыйдуць яны, і будуць спяваць хвалу на гары Сіён, і прыгарнуцца да даброццяў Госпада: збожжа, і віна, і аліўкавага алею, ягнят і цялят; і душа іх станецца, як сад абводнены, і не будуць яны больш прагнуць.

ЕЗЭКІІЛЯ 14:13

«Сын чалавечы, калі якая зямля зграшыць супраць Мяне, каб крывадушнічаць, крывадушнічаючы, Я выцягну руку Маю супраць яе, і зламлю падпору хлеба яе, і спашлю на яе голад, і вынішчу на ёй чалавека і жывёлу;

ЕЗЭКІІЛЯ 4:16

І сказаў мне: «Сын чалавечы, вось, Я зламлю падпору хлеба ў Ерузаліме, так што, поўныя гора, будуць яны есці хлеб па вазе і са страхам будуць піць ваду, дакладна адмераную,

ЕЗЭКІІЛЯ 5:16

Калі пашлю супраць вас стрэлы голаду, каб нішчыць вас, і калі іх пашлю для вашай загубы, то памножу між вамі голад, і зламаю для вас апору ў хлебе;

ЛЯВІТ 26:26

Калі Я знішчу хлеб, вашу падпору, тады пячы будуць дзесяць жанчын хлеб ваш у адной печы, і будуць выдаваць яго пад мерку, і вы будзеце есці і не наясцеся!

ЗАХАРЫІ 10:7

І будуць яны — як мужныя ваяры Эфраіма, ды будзе цешыцца сэрца іх, як ад віна, і дзеці іх будуць гэта бачыць і цешыцца, і будзе радавацца сэрца іх у Госпадзе.

МАРКА 14:23

І, узяўшы келіх, падзяку складаючы, даў ім; і пілі з яго ўсе.

ЛУКАША 7:46

Не намасціў ты галавы Маёй; а яна ногі Мае намасціла алейкам.

ЭФЭСЯНАЎ 5:18

І не ўпівайцеся віном, у якім распуста, але напаўняйцеся Духам,

ДРУГІ ЗАКОН 28:40

Аліўкі будзеш мець на ўсіх межах сваіх, але не выціснеш алею, бо змарнеюць і прападуць.

ДРУГІ ЗАКОН 8:3

Ён упакорыў цябе нястачай і даў табе есці манну, якой не ведаў ані ты, ані бацькі твае, каб паказаць табе, што не хлебам адзіным жыве чалавек, але кожным словам, якое выходзіць з вуснаў Госпада.

ГАБРЭЯЎ 1:9

Узлюбіў Ты справядлівасць і ўзненавідзеў беззаконне, таму намасціў Цябе, Божа, Бог Твой алеем радасці больш за супольнікаў Тваіх».

1 ЯНА 2:20

Але вы атрымалі намашчэнне ад Святога, і вы ўсе гэта ведаеце.

СУДЗЬДЗЯЎ 19:5

А чацвёртага дня, калі ён устаў уночы і пажадаў адправіцца, цесць сказаў яму: «Пакаштуй спярша троху хлеба, умацуй сэрца сваё, а потым пойдзеш у дарогу».

СУДЗЬДЗЯЎ 9:13

Вінаградная лаза сказла ім: “Ці магу вырачыся свайго віна, што весяліць багоў і людзей, каб хістацца па-над дрэвамі?”

СУДЗЬДЗЯЎ 9:9

Яна адказала: “Ці ж магу я вырачыся сваёй сакавітасці, якой ганарацца і багі, і людзі, і пайсці, каб хістацца па-над дрэвамі?”