ПСАЛТЫР 102:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ бо спадабаліся слугам Тваім каменні яго, і шкада ім парахна яго.

Біблія (пераклад А.Бокуна)

¹⁵ Бо слугі Твае маюць ласку да камянёў ягоных і літасьць — над пылам ягоным.

Біблія (пераклад В. Сёмухі)

¹⁵ Дні чалавечыя - як трава; як польная краска, так ён цьвіце.

ПСАЛТЫР 102:15 Крыжаваныя спасылкі

3 ЦАРСТВАЎ 8:43

Ты выслухай з неба, з месца прабывання Свайго, і зрабі ўсё, пра што прасіць Цябе будзе чужынец, каб ведалі ўсе народы зямлі імя Тваё ды баяліся Цябе, як народ Твой, Ізраэль, і каб ведалі, што імем Тваім называецца гэтая святыня, якую я пабудаваў.

НЭЭМІІ 1:4

І, пачуўшы гэтыя словы, я сеў і заплакаў, і смуткаваў многа дзён, і посціў, і маліўся перад абліччам Бога Нябеснага.

НЭЭМІІ 2:17

І я сказаў ім: «Вы бачыце смутак, у якім мы знаходзімся, бо Ерузалім спустошаны, і брамы яго спалены агнём; хадземце і адбудуем мур Ерузаліма і не будзем больш у ганьбе».

НЭЭМІІ 2:3

і сказаў я цару: «Жыві, цару, навекі! Як жа не будзе сумны твар мой, калі горад магіл бацькоў маіх спустошаны, і брамы яго спалены агнём?»

ПСАЛТЫР 138:4

Будуць дзякаваць Табе ўсе цары зямныя, калі пачуюць яны прырачэнні вуснаў Тваіх.

ПСАЛТЫР 72:11

І паклоняцца яму ўсе цары, і ўсе народы служыць яму будуць.

ПСАЛТЫР 86:9

Прыйдуць усе народы, якія Ты стварыў, і паклоняцца Табе, Госпадзе, і славіць будуць яны Тваё імя.

ІСАІ 55:5

Вось, пазавеш народ, якога не ведаў, і вось, народы, якія цябе не ведалі, прыбягуць да цябе дзеля Госпада, Бога твайго, і дзеля Святога Ізраэлева, бо Ён уславіў цябе.

АДКРЫЦЦЁ 11:15

І затрубіў анёл сёмы. І сталіся моцныя галасы ў небе, кажучы: «Зрабілася валадарства гэтага свету Валадарствам Госпада нашага і Хрыста Яго, і будзе Ён валадарыць на векі вечныя».

АДКРЫЦЦЁ 21:24

І будуць хадзіць народы збаўленых у святле яго, і цары зямныя прынясуць у яго славу сваю і гонар.