ПСАЛТЫР 10:16 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ Госпад — валадар навечна і на вечныя вякі: знікнуць пагане з зямлі Яго.

Біблія (пераклад А.Бокуна)

¹⁶ ГОСПАД — Валадар на вякі вечныя; пагане счэзнуць з зямлі Ягонай.

ПСАЛТЫР 10:16 Крыжаваныя спасылкі

1 ЛЕТАПІСАЎ 29:11

Твая, Госпадзе, веліч і магутнасць, слава, хвала і хараство. Усё бо, што ў небе і што на зямлі, — Тваё ёсць. Тваё, Госпадзе, валадарства, і Ты, як Галава, узносішся над усім.

ПСАЛТЫР 145:13

НУН. Верны Госпад ва ўсіх словах Сваіх і святы ва ўсіх справах Сваіх.

ПСАЛТЫР 146:10

Госпад валадарыць вечна, Бог твой, Сіёне, з пакалення ў пакаленне.

ПСАЛТЫР 29:10

Госпад трывае па-над патопам, і будзе сядзець Госпад як Валадар вечна.

ПСАЛТЫР 78:55

І адрынуў перад імі паганаў, і падзяліў ім зямлю шнуром спадчыны, і даў пакаленням ізраэльскім жыць у палатках іх.

ПСАЛТЫР 9:15

ТЭТ. каб абвясціў я ўсю хвалу Тваю пры браме дачкі Сіёна, каб радаваўся з дапамогі Тваёй.

ПСАЛТЫР 9:5

Бо ўчыніў Ты суд мой і справу маю; сеў Ты на пасадзе, Суддзя справядлівы.

ПСАЛТЫР 9:8

ГЭ. Госпад жа вечна трывае, прыгатаваў Ён на суд пасад Свой.

ПСАЛТЫР 93:1

Госпад заваладарыў! Адзеўся Ён у аздобу; адзеўся Госпад, моцаю падперазаўся, бо ўмацаваў Ён сусвет, які не пахіснецца.

ВЫХАД 15:18

І будзе Госпад валадарыць на векі вечныя!

ІСАІ 33:22

Бо Госпад наш суддзя. Госпад заканадаўца наш, Госпад валадар наш; Ён збавіць нас.

ЕРАМІІ 10:10

А Госпад — Бог сапраўдны, Ён Бог жывы і Валадар вечны; ад гневу Яго задрыжыць зямля, і народы не змогуць устаяць перад пагрозаю Яго.

ПЛАЧ 5:19

Але Ты, Госпадзе, трываць будзеш вечна, Твой пасад з пакалення ў пакаленне.

ДАНІІЛА 4:34

Такім чынам, зараз я, Набукаданосар, хвалю, і слаўлю, і ўзвялічваю Валадара Неба, бо ўсе Яго дзеянні ёсць праўда і дарогі Яго — справядлівасць, і тых, хто ўпадае ў пыхлівасць, можа Ён упакорыць».

ДАНІІЛА 6:26

Выдаю дэкрэт, каб на ўсім абсягу майго царства шанавалі і трымцелі перад Богам Даніэля: бо Ён ёсць Бог жывы і трывае на векі; і Валадарства Яго не будзе знішчана, і ўлада Яго — аж навек.

ДРУГІ ЗАКОН 8:20

Як тыя народы, якія Госпад знішчыў у час прыходу вашага, так і вы загінеце, калі будзеце непаслухмяныя голасу Госпада, Бога вашага.

1 ЦІМАФЕЯ 1:17

Валадару ж бессмяротнаму вякоў, нябачнаму, адзінаму, мудраму Богу ўшанаванне і слава на векі вечныя. Амін.