ПЛАЧ 3:40 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴⁰ Прасочым за дарогамі сваімі, разгледзім і навернемся да Госпада.

Біблія (пераклад А.Бокуна)

⁴⁰ Будзем шукаць і дасьледаваць шляхі свае, і вернемся да ГОСПАДА.

Біблія (пераклад В. Сёмухі)

⁴⁰ Выпрабуем і дасьледуем шляхі свае, і зьвернемся да Госпада.

ПЛАЧ 3:40 Крыжаваныя спасылкі

2 ЛЕТАПІСАЎ 30:6

І разышліся вестуны з лістамі з рукі цара і яго кіраўнікоў па ўсім Ізраэлі і Юдзе, таму што цар загадаў, абвяшчаючы: «Сыны Ізраэля, навярніцеся да Госпада, Бога Абрагама, і Ізаака, і Ізраэля, каб і Ён вярнуўся да тых, якія ўцалелі, уцякаючы ад рукі цароў асірыйскіх.

2 ЛЕТАПІСАЎ 30:9

Бо калі вы навернецеся да Госпада, то браты вашы і сыны атрымаюць міласэрнасць перад гаспадарамі сваімі, якія іх павялі ў няволю, ды вернуцца ў гэтую зямлю: бо міласэрны і літасцівы Госпад, Бог ваш, ды не адверне Ён аблічча Свайго ад вас, калі навернецеся да Яго».

ПСАЛТЫР 119:59

Абдумваю я шляхі свае і павяртаю ногі свае да Тваіх сведчанняў.

ПСАЛТЫР 4:4

Ведайце, што Госпад цудоўна ўслаўляе святога Свайго. Бог выслухае, калі буду Яго клікаць.

ІСАІ 55:7

Хай бязбожны пакіне дарогу сваю, а нягоднік — намеры свае; і хай навернецца да Госпада, і Ён злітуецца над ім, і да Бога нашага, бо Ён шчодры на прабачэнне.

ЕЗЭКІІЛЯ 18:28

бо адумаўшыся і адвярнуўшыся ад усіх злачыннасцей сваіх, якіх дапусціўся, будзе жыць, не памрэ.

АСІІ 12:6

І ты вярніся да Бога свайго; беражы любоў і закон і май заўсёды надзею ў Богу тваім.

АСІІ 5:15

Пайду і зноў вярнуся ў Сваё месца, аж адпакутуюць і будуць шукаць аблічча Майго, і будуць прагнуць Мяне ў бедах сваіх.

АСІІ 6:1

«Хадземце, вернемся да Госпада, бо Ён скалечыў нас і вылечыць нас, Ён нас пабіў і аздаравіць нас.

ДЗЕІ 26:20

але перш тым, што ў Дамаску, і ў Ерузаліме, і ва ўсёй краіне Юдэі, і паганам прапаведаваў, каб пакаяліся ды навярталіся да Бога і спаўнялі ўчынкі праўдзівага навяртання.

1 КАРЫНФЯНАЎ 11:28

Дык хай выпрабуе чалавек сябе самога, і тады хай есць ад таго хлеба ды п’е з келіха таго.

1 КАРЫНФЯНАЎ 11:31

Бо калі мы самі сябе асудзім, дык не будзем асуджаны.

2 КАРЫНФЯНАЎ 13:5

Самі сябе даследуйце, ці трымаецеся веры; самі сябе выпрабуйце. Ці не ведаеце аб саміх сабе, што Ісус Хрыстос у вас? Хіба толькі вы нягодныя?

ДРУГІ ЗАКОН 4:30

Калі ў горы тваім прыйдзе да цябе ўсё, што прадказана ў апошнія дні, то ты вернешся да Госпада, Бога твайго, і пачуеш голас Яго,